Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

1 Timutiyə 5:1—25

MÜNDƏRİCAT

  • Cavanlarla və yaşlılarla rəftar (1, 2)

  • Dul qadınlara kömək (3—16)

    • Ailənin qeydinə qalmaq (8)

  • Zəhmətkeş ağsaqqallara hörmət göstərmək (17—25)

    • Müalicəvi məqsədlə şərab içmək (23)

5  Yaşlı kişiləri sərtliklə məzəmmət etmə,+ onlara atan kimi, cavanlara qardaşın kimi,  ağbirçəklərə anan kimi, cavan qadınlara bacın kimi nəsihət ver və bunu təmiz niyyətlə et.  Həqiqətən köməyə ehtiyacı olan dul qadınların qeydinə qal.+  Əgər hər hansı bir dul qadının uşaqları, yaxud nəvələri varsa, qoy onlar əvvəlcə ailədə+ Allaha sadiq olmağı öyrənsinlər, valideynləri və nənə-babaları qarşısında borclarını yerinə yetirsinlər,+ çünki bu, Allaha xoşdur.+  Həqiqətən köməyə ehtiyacı olan kimsəsiz dul qadın ümidini Allaha bağlayır+ və dua edib gecə-gündüz Ona yalvarır.+  Ancaq kef üçün yaşayan dul qadın sağ olsa da, əslində, ölüdür.  Buna görə də onlardan tələb et ki, qüsursuz olsunlar.  Əgər kimsə öz yaxınlarının, ələlxüsus da ailəsinin qeydinə qalmırsa, o, imanı inkar edib və imansızdan da betərdir.+  Yaşı altmışı haqlamış, ərinə sadiq olmuş, 10  yaxşı işləri ilə tanınan,+ uşaqlarına yaxşı tərbiyə vermiş,+ qonaqpərvər olmuş,+ müqəddəslərin ayağını yumuş,+ dara düşənlərə kömək əlini uzatmış,+ hər cür yaxşı işlə məşğul olmuş dul qadınlar siyahıya alınsın. 11  Cavan dul qadınları isə siyahıya alma, çünki ehtirasları Məsihlə onların arasında duranda onlar ərə getmək istəyir. 12  Onlar əvvəlki niyyətlərindən* döndükləri üçün məhkum ediləcəklər. 13  Üstəlik, onlar qapı-qapı gəzib bikarçılığa alışırlar. Bikar olmaları bir yana, hələ bir dedi-qodu ilə də məşğul olurlar, artıq-əskik danışaraq camaatın işinə qarışırlar.+ 14  Buna görə də istəyirəm ki, cavan dul qadınlar ərə getsinlər,+ uşaq doğsunlar,+ ailələrinin qeydinə qalsınlar və əleyhdarlara bizi pisləməyə fürsət verməsinlər. 15  Onsuz da bəziləri yolunu azaraq Şeytanın dalınca gedib. 16  Əgər imanlı bir qadının qohumları arasında dul qadınlar varsa, qoy onlara kömək etsin ki, yığıncağın üzərinə yük düşməsin. Onda yığıncaq həqiqətən köməyə ehtiyacı olan dul qadınlara kömək edə biləcək.+ 17  Yığıncağı yaxşı idarə edən ağsaqqallar,+ xüsusən də, Allahın sözünü cidd-cəhdlə danışan+ və öyrədən ağsaqqallar ikiqat hörmətə layiq görülməlidirlər.+ 18  Axı Müqəddəs Yazılarda deyilir: «Xırman çəkən öküzə buruntaq taxmayın»,+ həmçinin belə yazılıb: «Zəhmətkeş əmək haqqına layiqdir».+ 19  Ağsaqqala qarşı ittihamı iki və ya üç şahidin şəhadəti olmasa, qəbul etmə.+ 20  Günah işləyənləri+ hamının qarşısında tənbeh et+ ki, digərlərinin də gözü qorxsun. 21  Allahın, Məsih İsanın və seçilmiş mələklərin qarşısında sənə tapşırıram: bu göstərişlərə əməl et, qərar verməzdən əvvəl hər şeyi diqqətlə və qərəzsiz araşdır.+ 22  Heç kəsin üzərinə tələm-tələsik əl qoyma*,+ başqalarının günahlarına əlbir olma, paklığını qoru. 23  Mədənə və tez-tez naxoşladığına görə daha su içmə, bir az şərab iç. 24  Bəzi adamların günahları göz qabağındadır və onları birbaşa hökmə düçar edir, digərlərinin günahları isə sonradan üzə çıxacaq.+ 25  Eynilə yaxşı işlər də göz qabağındadır,+ görünməyənlər isə çox gizli qalmayacaq.+

Haşiyələr

Yaxud vədlərindən.
Yəni heç kimə tələm-tələsik təyinat vermə.