Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

1 Korinflilərə 2:1—16

MÜNDƏRİCAT

  • Bulusun Korinfdəki təbliği (1—5)

  • Allahın hikmətinin üstünlüyü (6—10)

  • Ruhani və cismani düşüncəli insan (11—16)

2  Qardaşlar, mən yanınıza gəlib Allahın müqəddəs sirrini+ təbliğ edəndə sizi öz müdrikliyim və alimanə sözlərimlə+ valeh etmək məqsədi güdmürdüm.  Belə qərara almışdım ki, sizin diqqətinizi yalnız İsa Məsihə, özü də dirəkdə edam edilmiş İsa Məsihə yönəldim.+  Mən yanınıza gələndə gücsüz idim, ürəyimi qorxu və güclü həyəcan bürümüşdü.  Sözlərim və təbliğ etdiyim şeylər hikmətli və inandırıcı sözlərdən ibarət deyildi. Onlar Allahın ruhunun gücünü göstərirdi.+  Belə ki, imanınız insan müdrikliyi əsasında yox, Allahın gücü əsasında qurulsun.  Biz hikmət barəsində yetkin adamların arasında danışırıq,+ özü də bu dövrün və onun rəhbərlərinin hikmətindən danışmırıq, çünki onların sonu yaxındır.+  Biz müqəddəs sirdən,+ yəni Allahın gizli hikmətindən bəhs edirik. Bu hikməti Allah lap əzəldən bizim şərəfə çatmağımız üçün müəyyən edib.  Bu dövrün rəhbərlərindən heç kəs bu hikməti anlamadı,+ əgər anlasaydılar, şanlı Ağanı edam etməzdilər.  Müqəddəs Yazılar deyir: «Allahın Onu sevən bəndələri üçün hazırladığı şeyləri nə göz görüb, nə qulaq eşidib, nə də onlar kimsənin xəyalına gəlib».+ 10  Allah Öz ruhu ilə bunları bizə açıb,+ çünki Onun ruhu+ hər şeyi, Allahın dərin sirlərini belə tədqiq edir.+ 11  İnsanın ürəyindəkiləri özündən başqa kim bilir? Allahın fikirlərini də Onun ruhundan başqa heç kim bilmir. 12  Biz dünyanın ruhunu yox, Allahdan gələn ruhu+ aldıq ki, Allahın bizə bəxş etdiyi şeyləri anlaya bilək. 13  Biz də bunlar barəsində insan müdrikliyinin deyil,+ ruhun öyrətdiyi sözlərlə danışırıq,+ ruhani məsələləri ruhani sözlərlə izah edirik. 14  Cismani düşüncəli insan Allahın ruhuna aid şeyləri qəbul etmir, çünki onun üçün bunlar ağılsızlıqdır. O, bunları başa düşmür, çünki bunları ruhun köməyi ilə tədqiq etmək gərəkdir. 15  Amma ruhani düşüncəli insan hər şeyi tədqiq edir,+ onun özünü isə heç kəs başa düşmür. 16  «Kim Yehovanın əqlini dərk edib ki, Ona yol göstərsin?»+ Amma biz Məsihin düşüncəsinə sahibik.+

Haşiyələr