Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

1 Korinflilərə 14:1—40

MÜNDƏRİCAT

  • Peyğəmbərlik etmək və başqa dillərdə danışmaq ənamları (1—25)

  • Yığıncaqda nizam-intizam (26—40)

    • Yığıncaqda qadınların yeri (34, 35)

14  Var gücünüzlə məhəbbətə can atın. Ruhani ənamlara da can atın, xüsusən də peyğəmbərlik ənamına.+  Müxtəlif dillərdə danışmaq ənamı+ olan adam insanlarla yox, Allahla danışır, çünki o, müqəddəs ruh vasitəsilə müqəddəs sirləri+ bəyan edir, amma dediyini heç kəs başa düşmür.  Peyğəmbərlik edən isə öz sözləri ilə başqalarının imanını möhkəmləndirir, ruhlandırır və onlara təsəlli verir.  Başqa dildə danışan təkcə özünün, peyğəmbərlik edən isə yığıncağın imanını möhkəmləndirir.  Çox istərdim ki, siz hamınız müxtəlif dillərdə danışasınız,+ ancaq peyğəmbərlik etsəniz,+ daha yaxşı olar. Bəli, başqa dildə danışan yığıncağın imanının möhkəmlənməsi üçün dediklərini tərcümə etmirsə, peyğəmbərlik edən ondan üstündür.  Qardaşlar, mən gəlib sizinlə başqa dildə danışsam, amma vəhy+, bilik, peyğəmbərliklə danışmasam, yaxud sizə bir şey öyrətməsəm,+ bunun sizə bir faydası dəyər?  Cansız əşyalar da, misal üçün, ney də, çəng də səs çıxarır. Ancaq ney, çəng fərqli səsləri aydın çıxarmasa, onlarda hansı havanın çalındığını kim biləcək?  Doğrudan da, kərənay aydın səs çıxarmasa, kim döyüşə hazırlaşacaq?  Eynilə də, sizin sözləriniz aydın deyilsə, dediklərinizi kim başa düşəcək? Onda boş-boşuna danışacaqsınız. 10  Dünyada fərqli-fərqli dillər var, hamısı da başa düşülür. 11  Əgər mən deyilən sözün mənasını başa düşmürəmsə, onda mən də, danışan da bir-birimiz üçün əcnəbi oluruq. 12  Eləcə də siz. Madam ki siz ruhun ənamlarını almağa can atırsınız, onda çalışın yığıncağın imanını möhkəmləndirən ənamlar sizdə bol olsun.+ 13  Buna görə də başqa dildə danışan adam qoy dua etsin ki, öz dediklərini tərcümə edə bilsin.+ 14  Əgər mən başqa dildə dua edirəmsə, əslində, bunu müqəddəs ruhun verdiyi ənam vasitəsilə edirəm, ağlım isə bikar qalır. 15  Bəs onda nə edim? Həm müqəddəs ruhun ənamı ilə, həm də öz ağlımla dua edəcəyəm. Həm ruhun ənamı ilə, həm də öz ağlımla mədh nəğmələri oxuyacağam. 16  Ancaq sən Allahı ruhun ənamı ilə tərif edirsənsə, aranızda olan adi adam sənin etdiyin şükrə necə «amin» desin, axı o, sənin dediyini başa düşmür? 17  Düzdür, Allaha yaxşı şükür edirsən, di gəl bunun o adama xeyri dəymir. 18  Allaha şükür olsun, mən sizin hamınızdan çox dildə danışıram. 19  Ancaq yığıncaq arasında başqa dildə min söz deməkdənsə, öz ağlımla* iki kəlmə söz deyərəm ki, insanlar bir şey öyrənsin.+ 20  Qardaşlar, əqlən uşaq olmayın,+ yetkin olun.+ Pisliyə qarşı isə körpə olun.+ 21  Tövratda* yazılıb: «Yehova belə deyir: “Mən bu adamlarla yadellilərin dili ilə, yadların ağzı ilə danışacağam, ancaq onda da bu xalq Məni eşitmək istəməyəcək”».+ 22  Buna görə də müxtəlif dillərdə danışmaq ənamı imanlılar üçün yox, imansızlar üçün rəmzdir,+ peyğəmbərliklər isə imansızlar üçün yox, imanlılar üçündür. 23  Beləliklə, bütün yığıncaq bir yerə yığışan vaxt hamı müxtəlif dillərdə danışsa və bu zaman adi adamlar, yaxud imansız adamlar gəlsə, onlar nə fikirləşər? Deməzlər ki, bunların başına hava gəlib? 24  Ancaq hamınız peyğəmbərlik etsəniz və bu zaman imansız, yaxud adi adam gəlsə, sizin dedikləriniz sayəsində o, öz səhvini görəcək və özünü yoxlamağa təşviq olunacaq. 25  Ürəyindəki bütün sirlər özünə bəlli olacaq və o, üzüstə düşüb Allaha səcdə qılaraq: «Həqiqətən də, Allah sizinlədir»,+ — deyəcək. 26  Qardaşlar, bəs onda nə edək? Siz bir yerə yığışanda kimsə məzmur deyir, kimsə öyrədir, kimsə aldığı vəhyi söyləyir, kimsə başqa dildə danışır, kimsə də tərcümə edir.+ Elə edin ki, hər şey yığıncağın imanının möhkəmlənməsinə xidmət etsin. 27  Başqa dildə danışanların sayı iki, uzaqbaşı üç olsun. Qoy onlar növbə ilə danışsınlar və kimsə deyilənləri tərcümə etsin.+ 28  Əgər tərcüməçi yoxdursa, qoy başqa dildə danışan adam yığıncaqda sussun, ürəyində Allahla danışsın. 29  Həmçinin qoy peyğəmbərlərdən+ ikisi və ya üçü danışsın, qalanları isə deyilənlərin məğzinə varsın. 30  Amma oturanlardan birinə vəhy gəlsə, qoy həmin vaxt danışan sussun. 31  Siz hamınız peyğəmbərlik edə bilərsiniz, amma bir-bir danışın ki, hamı ruhlansın+ və nə isə öyrənə bilsin. 32  Peyğəmbərlər ruhun ənamlarından necə istifadə etdiklərinə nəzarət etsinlər. 33  Çünki Allah sülh Allahıdır. O, nizamsızlığı sevmir.+ Müqəddəslərin bütün yığıncaqlarında olduğu kimi, 34  qoy qadınlar yığıncaqda sussun, onlara danışmağa icazə verilmir.+ Tövratda deyildiyi kimi, qoy qadınlar kişilərin itaəti altında olsunlar.+ 35  Bir şey öyrənmək istəsələr, qoy evdə ərlərindən soruşsunlar, çünki qadına yığıncaqda danışmaq ayıbdır. 36  Məgər Allahın sözü sizdən çıxıb, yoxsa yalnız sizə çatıb? 37  Əgər kimsə özünü peyğəmbər, yaxud müqəddəs ruhun ənamına sahib olmuş adam sanırsa, onda qoy sizə yazdıqlarımın Ağanın əmri olduğunu qəbul etsin. 38  Bunlara məhəl qoymayana məhəl qoyulmayacaq*. 39  Beləliklə, qardaşlar, peyğəmbərlik etməyə can atın,+ eyni zamanda müxtəlif dillərdə danışmağı qadağan etməyin.+ 40  Ancaq qoy hər şey ədəb-ərkanla və nizamla olsun.+

Haşiyələr

Yaxud başa düşülən.
Digər variant: bunları başa düşməyən başa düşməyəcək.