Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Əyyub 32:1—22

MÜNDƏRİCAT

  • Əlihu söhbətə qatılır (1—22)

    • Əyyuba və yoldaşlarına qəzəbi tutub (2, 3)

    • Ehtiramla kənarda durub söz almağı gözlədi (6, 7)

    • Ağıl yaşda deyil (9)

    • Əlihunun ürəyi doludur (18—20)

32  Beləcə, bu üç kişi daha cavab vermədi, çünki Əyyub öz salehliyinə əmin idi.+  Amma Ram nəslindən buzi+ Bərəkil oğlu Əlihu bərk qəzəbli idi. O, Əyyuba çox hirslənmişdi, çünki Əyyub Allahı yox, özünü haqlı çıxarmağa çalışırdı.+  Əyyubun üç yoldaşına da bərk qəzəblənmişdi, çünki onlar Əyyuba düzgün cavab verə bilməmiş, Allah haqda nahaq sözlər söyləmişdilər.+  Əlihu onlardan yaşca kiçik idi, buna görə Əyyuba söz demək üçün durub gözləyirdi.+  Görəndə ki, bu üç nəfərin daha deməyə sözü yoxdur, qəzəbdən alışıb-yandı.  Beləliklə, buzi Bərəkil oğlu Əlihu sözə başladı: «Mən cavanam, Siz isə ahıl yaşdasınız.+ Buna görə hörmət edib səsimi çıxarmadım,+ Bildiklərimi danışmağa cürət etmirdim.   Dedim: “Qoy yaş danışsın, Qoy uzun ömür hikmət öyrətsin”.   Lakin insana dərrakə verən ondakı ruhdur, Qüdrət Sahibinin nəfəsidir.+   Ağıl təkcə yaşda deyil, Düzgünlüyü ancaq ahıllar anlamır.+ 10  Buna görə deyirəm: “Mənə qulaq asın, Mən də bildiklərimi söyləyim”. 11  Baxın, siz danışanda mən gözlədim. Siz söz axtararkən+ Fikirlərinizə qulaq asdım.+ 12  Diqqət kəsildim, Heç biriniz Əyyubun səhv olduğunu göstərə bilmədiniz, Onun dəlillərinə cavab verə bilmədiniz. 13  Buna görə də: “Biz hikmət sahibiyik, Onu təkzib edən insan deyil, Allahdır”, — deməyin! 14  Onun sözləri mənə yönəlməmişdi, Ona cavabım da sizin dəlillərinizlə olmayacaq. 15  Onlar çaşıb qalıb, ağızlarını yumublar, Deməyə söz tapmırlar. 16  Gözlədim, daha danışmadılar, Lal-dinməz durublar, cavab vermirlər. 17  Mən də sözümü deyəcəyəm, Bildiklərimi söyləyəcəyəm. 18  Çünki sinəm sözlə doludur, İçimdəki ruh məni vadar edir. 19  Ağzı bağlı şərab kimidir içim, Təzə tuluq kimi indi partlayacaq.+ 20  Qoy bir kəlmə deyim, rahatlanım, Ağzımı açıb danışım. 21  Heç kimin tərəfini tutmayacağam,+ Heç bir insana yaltaqlanmayacağam, 22  Mən yaltaqlıq nədir bilmirəm. Belə etsəm, Yaradan məni dərhal yox edər!

Haşiyələr