Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Əşiya 63:1—19

MÜNDƏRİCAT

  • Yehova xalqlardan qisas alır (1—6)

  • Keçmişdəki xeyirxahlığı (7—14)

  • Tövbə duası (15—19)

63  Ədumdan+, Bozrahdan+ çıxıb Əlvan* libaslı, Nəfis qiyafəli, Böyük qüdrətlə gələn kimdir? «Bu Mənəm! Haqq danışan, Böyük qüdrəti ilə nicat verən».   Nə üçün libasın al rəngdədir, Üzümsıxanda işləyənin paltarına oxşayır?+   «Üzümsıxanı təkbaşına tapdamışam, Yanımda xalqlardan heç kim yox idi. Onları qəzəblə tapdaladım, Hiddətlə ayağımın altında əzdim.+ Qanları üstümə sıçradı, Paltarım bütün bulaşdı.   İntiqam günü ürəyimdədir,+ Qurtuluş verəcəyim kəslərin ili yetişib.   Yan-yörəmə baxdım, kömək edən yox idi, Məəttəl qaldım, tərəfimi tutan yox idi. Buna görə, Öz qolum zəfər gətirdi,+ Qəzəbim də tərəfimdə durdu.   Xalqları qəzəblə tapdaladım, Onları hiddətimlə sərxoş etdim,+ Qanlarını yerə axıtdım».   Mərhəmətdən, böyük məhəbbətdən irəli gələrək, Yehovanın bizim üçün etdiyi işlərə görə, İsrail evinə etdiyi bol yaxşılıqlara görə Yehovanın xeyirxah işlərindən danışacağam,+ Yehovanın həmdə layiq işlərini nəql edəcəyəm.   O dedi: «Həqiqətən, onlar Mənim xalqımdır, xain çıxmayacaq oğullarımdır».+ Odur ki, onlar üçün xilaskar oldu.+   Onlar əzab çəkəndə O da əzab çəkdi.+ Elçisi onları xilas etdi.+ Məhəbbətlə, şəfqətlə onları qurtardı,+ Qədim günlərdə onları götürüb daşıdı.+ 10  Amma onlar asi çıxdılar,+ Onun müqəddəs ruhunu incitdilər.+ O da onların düşməninə çevrildi,+ Onlara qarşı vuruşdu.+ 11  Onlar keçmiş günləri yada saldılar, Onun qulu Musanın günlərini xatırladılar. Dedilər: «Onları sürüsünün çobanları ilə birlikdə dənizdən keçirən bəs hanı?+ Müqəddəs ruhunu onun daxilinə qoyan bəs hanı?+ 12  Güclü qolunu Musanın sağ əli ilə göndərən,+ Onların önündə suları yarıb+ Özü üçün əbədi ad eləyən,+ 13  Onları azğın suların içi ilə aparan bəs hanı? Onlar düzəngahda çapan at kimi Büdrəmədən getdilər. 14  Dərəyə enən mal-qara kimi Yehovanın ruhundan dinclik tapdılar».+ Özünə əzəmətli ad qazanmaq üçün Xalqını bu cür apardın.+ 15  Göylərdən nəzər sal, Müqəddəs, ehtişamlı, gözəl məskənindən bax. Hanı Sənin şövqün, qüdrətin? Hanı mərhəmətin+, şəfqətin+? Onları bizdən əsirgəyirsən. 16  Axı Sən bizim Atamızsan,+ İbrahim bizi tanımasa da, İsrail bizi qəbul etməsə də, Ey Yehova, Sən bizim Atamızsan. Qədimdən bəri qurtarıcımızsan.+ 17  Nə üçün, ey Yehova, bizi yollarından azdırırsan? Nə üçün ürəyimizi daşa döndərirsən ki, biz də Səndən qorxmuruq?+ Qullarının xatirinə qayıt, Sahib olduğun qəbilələrin naminə geri dön.+ 18  Müqəddəs xalqın ölkəyə qısa müddət sahib oldu. Düşmənlərimiz Sənin müqəddəs məkanını tapdaladı.+ 19  Nə zamandır Sənin hakimlik etmədiyin xalqlara, Sənin adını daşımayanlara bənzəyirik.

Haşiyələr

Digər variant: al-qırmızı.