Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Əşiya 13:1—22

MÜNDƏRİCAT

  • Babilə qarşı hökm (1—22)

    • Yehovanın günü yaxındır! (6)

    • Madalılar Babili devirəcək (17)

    • Babil məskunlaşmayacaq (20)

13  Amuz oğlu Əşiyanın+ Babilə qarşı vəhydə aldığı hökm:+   «Dağda, çılpaq qaya üzərində nişan qoyun.+ Onları səsləyin, əl eləyin,Gəlib əsilzadələrin qapılarından girsinlər.   Mən seçdiyim* döyüşçülərə əmr verdim.+ Vüqarla sevinən igidlərimiQəzəbimi tökmək üçün çağırdım.   Eşidin! Dağlardan izdiham səsi gəlir!Sanki, böyük bir xalqın səsidir bu. Eşidin! Bir yerə toplaşmış səltənətlərin,+Xalqların gurultusudur bu. Ordular Allahı Yehova cəng üçün ordu toplayır.+   Onlar uzaq bir ölkədən,+Göylərin qurtaracağından gəlirlər.Yehova və Onun qəzəb silahlarıBütün ölkəni viran etmək üçün gəlir.+   Fəryad edin! Yehovanın günü yaxındır! Sonsuz Qüdrət Sahibindən məhv günü olacaq o.+   Buna görə bütün əllər aşağı düşəcək,Hər kəsin qorxudan ürəyi əriyəcək.+   Hamı təlaş içindədir.+ Onları sancı tutub, qıc olublar,Doğan qadına bənzəyirlər. Dəhşətlə bir-birilərinə baxırlar,Əzabdan sifətləri pörtüb.   Budur! Yehovanın amansız günüHiddətlə, odlu-alovlu qəzəblə gəlir ki,Ölkəni viran qoysun,+Bütün günahkarları oradan yox etsin. 10  Göydəki ulduzlar, bürclər+ işıldamayacaq.Günəş qara doğacaq,Ay nurunu saçmayacaq. 11  Mən dünyanı yamanlığına görə,+Şər adamları təqsirlərinə görə mühakimə edəcəyəm. Məğrurların qürurunu sındıracağam,Zalımların təkəbbürünü alçaldacağam.+ 12  İnsan oğlu xalis qızıldan,Bəşər oğlu Ofir qızılından+ da nadir olacaq.+ 13  Bunun üçün göyü silkələyəcəyəm;Ordular Allahı Yehovanın qəzəbi coşan günOnun hiddətindən yer məhvərindən titrəyəcək.+ 14  Qovulan ceyran kimi, çobansız sürü kimiHər kəs öz xalqının yanına qayıdacaq,Hər kəs öz ölkəsinə qaçacaq.+ 15  Kim ələ keçsə, bədəni deşiləcək,Kim yaxalansa, qılınc ağzına veriləcək.+ 16  Övladları gözü qabağında parça-parça ediləcək,+Evləri talan ediləcək,Arvadları zorlanacaq. 17  Gümüşü heç sayan,Qızıldan zövq almayan madalıları+Onların üstünə qaldıracağam. 18  Oxları cavanları yerə sərəcək.+Uşağa rəhm etməyəcəklər,Bətnin bəhrəsinə yazıqları gəlməyəcək. 19  Səltənətlərin tacı,Kəldanilərin qüruru, ehtişamı olan Babil+Allahın dağıtdığı Sədum və Əmurə kimi olacaq.+ 20  Orada heç vaxt insan yaşamayacaq.Nəsillər gəlib-keçəcək, kimsə orada məskunlaşmayacaq.+ Ərəb orada çadır qurmayacaq,Çobanlar orada sürülərini dincəltməyəcək. 21  Orada vəhşi heyvanlar dincələcək,Evlərinə bayquşlar doluşacaq, Orada dəvəquşular məskunlaşacaq,+Çöl keçiləri* hoppanıb-düşəcək. 22  Qala bürclərində ulaşan heyvanlar,Cah-calallı saraylarında çaqqallar ulayacaq. Onun vaxtına az qalıb, ömrü uzadılmayacaq».+

Haşiyələr

Yaxud müqəddəs etdiyim.
Digər variant: keçiyəbənzər cinlər.