Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Əşiya 1:1—31

MÜNDƏRİCAT

  • Ata və asi oğullar (1—9)

  • Yehova zahiri ibadətə nifrət edir (10—17)

  • Aramızdakı məsələləri həll edək (18—20)

  • «Salehlik şəhəri», «Sadiq şəhər» (21—31)

1  Yəhuda padşahları+ Üziyyə+, Yutəm+, Əhəz+ və Hizqiyyənin+ dövründə Amuz oğlu Əşiyanın*+ Yəhuda və Yerusəlimlə bağlı aldığı vəhy.   Dinləyin, ey göylər, eşit, ey yer!+ Yehova belə deyir: «Oğullar böyüdüb boya-başa çatdırdım,+ Onlar isə Mənə asi çıxdılar.+   Öküz yiyəsini, Eşşək sahibinin axurunu yaxşı tanıyır. Lakin İsrail Məni tanımır,+ Mənim Öz xalqım qanmazlıq edir».   Bu günahkar xalqın,+ Təqsirlər içində batan ümmətin, Bu şər nəslin, pozğun oğulların vay halına! Onlar Yehovadan uzaqlaşdılar,+ İsrailin Müqəddəs Allahına hörmətsizlik etdilər, Ona arxa çevirdilər.   Nə qədər döyülmək olar? Bəsdir üsyan etdiniz!+ Başınızı yara basıb, Ürəyiniz azara düşüb.+   Təpədən dırnağacan bədəninizdə salamat yer yoxdur. Yaralarınız, qançırlarınız, yeri soyumamış zədələriniz təmizlənməyib, sarınmayıb, Onlara məlhəm qoyulmayıb.+   Ölkəniz viranə qalıb, Şəhərləriniz yandırılıb, Yadellilər gözünüz baxa-baxa yurdunuzu talan edir,+ Hər yan xarabalıqdır, sanki, ölkəyə yağılar basqın edib.+   Sion qızı üzümlükdəki çardaq, Xiyar bostanındakı koma kimi, Mühasirəyə alınmış şəhər kimi tərk edilib.+   Ordular Allahı Yehova* bir neçə adam sağ qoymasaydı, Biz Sədum kimi olardıq, Əmurəyə bənzəyərdik.+ 10  Siz, ey zalım Sədum başçıları, Yehovanın sözünə qulaq asın!+ Allahımızın qanununu dinləyin, ey Əmurə sakinləri!+ 11  Yehova deyir: «Sizin çoxsaylı qurbanlarınız nəyimə gərəkdir?+ Yandırma qoç qurbanlarından,+ kök heyvanların piyindən+ artıq doymuşam, Buğaların+, quzuların, keçilərin+ qanı+ Mənə xoş deyil. 12  Kim sizdən hüzuruma gəlməyi,+ Məbədimin həyətini Tapdalamağı istəyib?+ 13  Bəsdir daha mənasız taxıl təqdiməsi gətirdiniz! Buxur təqdiməniz Məndə ikrah doğurur.+ Təzə ay mərasimləri,+ şənbələr+, toplantılar+... Təntənəli məclis çağırarkən sehrli qüvvələrə üz tutmağınıza dözə bilmirəm.+ 14  Təzə ay mərasimlərinizdən, bayramlarınızdan zəhləm gedir. Onlar mənim üçün yükə çevrilib, Onları daşımaqdan yorulmuşam. 15  Siz əllərinizi göyə qaldıranda Gözlərimi yumuram.+ Nə qədər dua edirsiniz edin,+ Sizi eşitmirəm;+ Əlləriniz büsbütün qana batıb.+ 16  Yuyunub paklanın,+ Şər əməllərinizi gözümün önündən uzaqlaşdırın, Pislikdən əl çəkin.+ 17  Yaxşılıq etməyi öyrənin, ədalətə can atın,+ Zalımı düz yola çəkin, Yetimin haqqını qoruyun, Dul qadına himayədarlıq edin».+ 18  Yehova deyir: «Gəlin aramızdakı məsələləri həll edək.+ Günahlarınız al-qırmızı olsa da, Onları qar kimi ağappaq edəcəyəm,+ Tünd-qırmızı parça rəngdə olsa da, Onları yun kimi edəcəyəm. 19  İtaətkar olub sözə baxsanız, Torpağın nemətlərindən yeyəcəksiniz.+ 20  Yox əgər dikbaşlıq edib sözümə qulaq asmasanız, Qılınc ağzına düşəcəksiniz.+ Bunu deyən Yehovadır!» 21  Gör sadiq şəhər+ necə dönüb fahişə oldu!+ Vaxtilə ədalətin hökm sürdüyü,+ Salehliyin məskən saldığı şəhər+ İndi qatillər yuvasıdır.+ 22  Gümüşünüz zir-zibilə* çevrilib,+ Pivənizə su qatılıb. 23  Başçılarınız dikbaşdır, oğrularla əlbirdir.+ Hər biri rüşvət hərisidir, bəxşiş dalınca düşür.+ Yetimin haqqını qorumur, Dul qadın onların qapısına düşə bilmir.+ 24  Buna görə Rəbb, ordular Allahı Yehova, İsrailin qüdrətli Allahı bəyan edir: «Yetər! Əleyhdarlarımdan azad olacağam, Düşmənlərimdən qisas alacağam.+ 25  Əlim sənə qarşı qalxacaq, Səni əridib zir-zibildən təmizləyəcəyəm, Bütün qatışığını arıtlayacağam.+ 26  Sənə yenə də ilk vaxtlar olduğu kimi hakimlər, Başlanğıcda olduğu kimi, məsləhətçilər verəcəyəm.+ Bundan sonra səni Salehlik şəhəri, Sadiq şəhər adlandıracaqlar.+ 27  Sion ədalət sayəsində, Ora qayıdanlar salehlik sayəsində qurtulacaq.+ 28  Üsyankarlarla günahkarlar bir vaxtda qırılacaq,+ Yehovanı tərk edənlər yox olacaqlar.+ 29  Siz sevdiyiniz iri ağaclara görə xəcalət çəkəcəksiniz,+ Seçdiyiniz bağlara* görə utanıb yerə girəcəksiniz.+ 30  Çünki siz yarpaqları solan böyük ağaca,+ Susuz qalan bağa bənzəyəcəksiniz. 31  Güclü adam kətan lifitək, Əməyinin bəhrəsi isə qığılcım kimi olacaq. İkisi də bir vaxtda alışıb yanacaq, Alovunu söndürən olmayacaq».

Haşiyələr

Mənası: Yehovanın verdiyi qurtuluş.
Hərfən: posaya (filiz əridiləndə ayrılan qalıq).
Görünür, söhbət bütlərə ibadətlə bağlı olan ağac və bağlardan gedir.