Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS YAZILARIN YENİ DÜNYA TƏRCÜMƏSİ (1984 BURAXILIŞI) 2013 buraxılışını aç

Yaqub 4:1—17

4  Aranızdakı dava-dalaş, çəkişmələr haradandır? Bədəninizdə çarpışan güclü istəklərdən deyilmi?  Siz arzulayırsınız, amma istədiyinizi almırsınız. Öldürürsünüz, başqasının malına göz dikirsiniz, amma yenə də istədiyinizi ala bilmirsiniz. Dava-dalaşdan və çəkişmələrdən başınız açılmır. Arzuladığınız sizdə yoxdur, çünki diləmirsiniz.  Diləyəndə də ala bilmirsiniz, çünki yaxşı məqsədlə yox, nəfsinizi doydurmaq üçün diləyirsiniz.  Ey vəfasızlar*, məgər bilmirsiniz ki, dünya ilə dostluq Allahla düşmənçilik deməkdir? Buna görə də dünyanın dostu olmaq istəyən Allahın düşməni olur.  Yoxsa elə düşünürsünüz ki, Müqəddəs Yazılar əbəs yerə: «Daxilimizdə yaşayan paxıllıq ruhu daima nə isə arzulayır», — deyir?  Ancaq Onun bizə göstərdiyi lütf daha böyükdür. Buna görə də deyilir: «Allah məğrurlara qarşı çıxır, təvazökarlara isə lütf göstərir».  Buna görə də Allaha tabe olun, İblisə müqavimət göstərin və o, sizdən qaçacaq.  Allaha yaxınlaşın, O da sizə yaxınlaşacaq. Ey günahkarlar, əllərinizi paklayın! Ey qətiyyətsizlər, ürəyinizi təmizləyin!  Kədərlənin, yas tutun, ağlayın. Qoy gülüşünüz yasa, sevinciniz qəmə dönsün. 10  Yehovanın qarşısında təvazökar olun və O, sizi ucaldacaq. 11  Qardaşlar, bəsdirin bir-birinizin əleyhinə danışdınız. Qardaşının əleyhinə danışan, yaxud onu mühakimə edən qanuna qarşı danışır və qanunu mühakimə edir. Əgər sən qanunu mühakimə edirsənsə, deməli, qanunun icraçısı yox, hakimi olursan. 12  Axı həm xilas etməyə, həm də məhv etməyə qadir olan bir Qanunverən və Hakim vardır. Bəs sən kimsən ki, yaxınını mühakimə edirsən?! 13  İndi isə: «Bu gün ya sabah filan şəhərə gedəcəyik, orada bir il qalacağıq, ticarət edib pul qazanacağıq», — deyənlər, bir qulaq asın. 14  Axı siz peyda olub tezliklə yox olan dumana bənzəyirsiniz, bilmirsiniz sabah başınıza nə gələcək. 15  Siz gərək belə deyəydiniz: «Əgər Yehova məsləhət bilsə, sağlıq olsun, filan-filan şeyi edərik». 16  Siz dikbaşlarsa məğrurluğunuzla qürurlanırsınız. Bu cür qürur çox pisdir. 17  Buna görə də əgər kimsə düzgün işi necə görməyi bilir, amma görmürsə, o, günah edir.

Haşiyələr

Hərfən «zinakarlar», yəni Allaha qarşı ruhani xəyanət edənlər