«Mən sizinlə bağlı niyyətimi bilirəm, — bəyan edir Yehova a, — sizə bəla yox, əmin-amanlıq vermək niyyətindəyəm, amalım sizə gözəl gələcək, ümid bəxş etməkdir» (Ərəmya 29:11).

Ərəmya 29:11 ayəsinin izahı

 Yehova xidmətçilərinə sülhün hökm sürəcəyi gələcək vəd edir. Bu sözlər keçmişdəki insanlar üçün yazılsa da, bu gün də Yehova eyni fikirdədir. O, «ümid mənbəyi olan Allah»dır (Romalılara 15:13). Yehova Müqəddəs Kitaba bu cür vədlər yazdırıb ki, gözəl gələcəyə «ümidimiz olsun» (Romalılara 15:4).

Ərəmya 29:11 ayəsinin konteksti

 Bu sözlər Yerusəlimdən Babilə əsir aparılan israillilərə yazılmış məktubdan bir parçadır b (Ərəmya 29:1). Allah onlara demişdi ki, uzun müddət əsirlikdə qalacaqlar. Onlar orada evlər tikməli, bağlar salmalı və ailə qurub oğul-qız sahibi olmalıdırlar (Ərəmya 29:4—9). Amma sözünün davamında Yehova belə demişdi: «Babildə yetmiş il tamam olanda sizə nəzər salacağam, sizi bu yerə [Yerusəlimə] gətirib vədimi gerçəkləşdirəcəyəm» (Ərəmya 29:10). Bu sözlərlə Yehova onlara zəmanət verdi ki, onları unutmayacaq və vətənlərinə qayıtmaqla bağlı ümidləri gerçəkləşəcək (Ərəmya 31:16, 17).

 Allah israillilərə verdiyi sözün üstündə durdu. Qabaqcadan dediyi kimi fars şahı Kuruş Babili fəth etdi (Əşiya 45:1, 2; Ərəmya 51:30—32). Sonra Kuruş yəhudilərə vətənlərinə qayıtmağa icazə verdi. Onlar 70 il əsir olandan sonra Yerusəlimə qayıtdılar (2 Salnamələr 36:20—23; Üzeyir 3:1).

 Ərəmya 29:11 ayəsindəki vədin yerinə yetməsi bu gün Allahın vədlərinə ümid bağlayanlara əminlik verir. Məsələn, O vəd edir ki, İsa Məsihin rəhbərliyi altında Allahın Padşahlığı bütün dünyada sülhü bərqərar edəcək (Zəbur 37:10, 11, 29; Əşiya 55:11; Mətta 6:10).

Ərəmya 29:11 ayəsi ilə bağlı yanlış fikirlər

 Yanlış. Hər kəsin alın yazısı var.