Parametrlərin təyini

Dili seçin

İkinci dərəcəli menyu

Kontentə keç

Yehovanın Şahidləri

Azərbaycan

GƏNCLƏRİN SUALLARI

Oral seksi cinsi əlaqə saymaq olar?

Oral seksi cinsi əlaqə saymaq olar?

Birləşmiş Ştatların Xəstəliklərə Nəzarət və Profilaktika Mərkəzinin verdiyi məlumata görə, 15—19 yaşlı gənclər arasında sorğu aparılıb. Sorğuda iştirak edənlərin təxminən yarısı oral seks ilə məşğul olduğunu bildirib. Yazıçı Şarlen Azam öz kitabında qeyd edir: «Gənclərlə [oral seks haqda] söhbət etsəniz, görəcəksiniz ki, onlar üçün bu, qəbahətli bir şey deyil. Onlar bunu cinsi əlaqə saymır» («Oral Sex Is the New Goodnight Kiss»).

 Sən necə fikirləşirsən?

Aşağıdakı sualları cavablandır.

  1. Oral sekslə məşğul olan qız hamilə qala bilər?

    1. Yox

  2. Oral seks sağlamlıq üçün zərərlidir?

    1. Yox

  3. Oral seksi cinsi əlaqə saymaq olar?

    1. Yox

 Faktlar nəyi göstərir?

Öz cavablarınızı aşağıdakı cavablarla müqayisə edin.

  1. Oral sekslə məşğul olan qız hamilə qala bilər?

    Cavab. Yox. Məhz buna görə, səhv də olsa, çoxları oral seksi təhlükəsiz sayır.

  2. Oral seks sağlamlıq üçün zərərlidir?

    Cavab. Hə. Oral sekslə məşğul olan şəxs hepatit (A və ya B), genital ziyil, süzənək, herpes, QİÇS və sifilis xəstəliklərinə yoluxa bilər.

  3. Oral seksi cinsi əlaqə saymaq olar?

    Cavab. Hə. Qarşı tərəfin cinsiyyət orqanları ilə hər hansı bir əlaqə — təbii cinsi əlaqə, oral, anal əlaqə, başqasının cinsiyyət orqanını sığallamaq və ya qıcıqlandırmaq kimi şeylər cinsi münasibət sayılır.

 Bu, nəyə görə vacib məsələdir?

Bu mövzuya dair Müqəddəs Kitabdan bir neçə ayəyə baxaq.

Müqəddəs Kitabda deyilir: «Allah istəyir ki, siz... əxlaqsızlıqdan uzaq durasınız» (1 Salonikililərə 4:3).

Orijinal dildə «əxlaqsızlıq» ifadəsi altında təbii əlaqə, oral, anal seks və başqasının cinsiyyət üzvünü sığallamaq və ya qıcıqlandırmaq da daxil olmaqla nikahdan kənar cinsi münasibətin bütün növləri nəzərdə tutulur. Əxlaqsızlıqla məşğul olan şəxs bunun acı nəticələrini dadacaq. Ən əsası isə Allahla münasibətlərini korlayacaq (1 Butrus 3:12).

Müqəddəs Kitabda deyilir: «Əxlaqsızlıqla məşğul olan öz bədəninə qarşı günah işləyir» (1 Korinflilərə 6:18).

Oral seksin həm fiziki, həm də ruhani zərərləri var. Bu həmçinin insana emosional zərbə vurur. Bu haqda bir kitabda deyilir: «İnsan təkcə vaginal cinsi əlaqədən (təbii cinsi əlaqə) sonra peşman olmur və özünü istifadə olunmuş kimi hiss etmir. Nikahdan kənar cinsi əlaqədə olduqdan sonra insan hansı mənfi hissləri keçirirsə, istənilən növ qeyri-təbii cinsi əlaqədən sonra da həmin pis hissləri keçirə bilər. Cinsi əlaqə elə cinsi əlaqədir. Bunun başqa adı yoxdur» («Talking Sex With Your Kids»).

Müqəddəs Kitabda deyilir: «Mən sənin Allahın Yehovayam, Mən sənin xeyrinə səni öyrədirəm» (Əşiya 48:17).

Sən inanırsan ki, Yehova Allahın cinsi əlaqə ilə bağlı verdiyi qanunlar sənin xeyrinədir? Yoxsa sənə elə gəlir ki, bu qanunlar əl-qolunu bağlayır? Bu suallara cavab vermək üçün təsəvvür et ki, sən işıqforların, sürət həddlərinin , «stop» nişanlarının olduğu sıx nəqliyyat yolundasan. İşıqforlara, nişanlara maneə, yoxsa müdafiə kimi baxacaqsan? Bəs əgər sən və digər sürücülər onlara məhəl qoymasanız, nə baş verər?

Yol hərəkəti qaydaları sənin azadlığını məhdudlaşdırsa da, səni müdafiə edir. Eynilə, Allahın qanunları da sənə məhdudiyyətlər qoysa da, sənin həyatını müdafiə edir

Allahın qanunları haqda da eyni şeyi demək olar. Əgər onlara məhəl qoymasan, sonda əkdiyini biçəcəksən (Qalatiyalılara 6:7). Bir kitabda deyilir: «Nə qədər çox əqidənin əksinə gedəcəksən, səhv olduğunu bildiyin işlərlə məşğul olacaqsan, bir o qədər də özünə hörmətin azalacaq. Ancaq Allahın qanunlarına uyğun yaşasan, həqiqətən də, əxlaqlı insan olduğunu göstərəcəksən. Ən önəmlisi isə vicdanın təmiz olacaq» (1 Butrus 3:16) («Sex Smart»).

Əlavə məlumat

Müqəddəs Kitab homoseksualizm barədə nə deyir?

Allah homoseksualizmə necə baxır? Bu cür meyili olan insan Allaha məqbul ola bilər?