Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Дининизин кечмиш үзвләри илә бүтүн әлагәни кәсирсиниз?

Дининизин кечмиш үзвләри илә бүтүн әлагәни кәсирсиниз?

Јеһованын Шаһиди олан вә фәалијјәтимиздә актив иштирак етмәјән, ола билсин, һәтта артыг бизимлә үнсијјәтдә олмајанларла да үнсијјәт кHS.3әсиHS.3лHS.3мир. Әксинә, онларын үрәјинә јол тапа вә Аллаһа ибадәт етмәк әзмләрини мөһкәмләндирмәјә чалышырыг.

Ҹидди ҝүнаһ ишләдәнләр автоматик олараг јығынҹагдан кәнар олунмур, јәни онларла үнсијјәт кәсилмир. Лакин әҝәр Јеһованын Шаһиди (вәфтиз олунмуш) Мүгәддәс Јазылардакы Аллаһын тәләбләрини биләрәкдән, төвбә етмәдән позурса, онда о, јығынҹагдан кәнар едиләҹәк, јәни Јеһованын Шаһидләри онунла бүтүн әлагәни кәсәҹәк. Чүнки Аллаһын Кәламында бирмәналы шәкилдә дејилир: «Пис адамы араныздан кәнар един» (Инҹил, 1 Коринфлиләрә 5:13).

Бәс јахшы, әҝәр јығынҹагдан кәнар едилән адамын һәјат јолдашы вә ушаглары Јеһованын Шаһидидирсә, онда неҹә? Һәмин аиләдә дини ибадәтлә бағлы вәзијјәтин дәјишмәси, аиләдахили нормал мүнасибәтләрин дәјишмәси демәк дејил. Әрлә арвад вә бүтүнлүклә аилә үзвләри арасындакы нормал мүнасибәтләр әввәл олдуғу кими давам етдирилмәлидир.

Јығынҹагдан кәнар едиләнләр дини ибадәт ҝөрүшләримиздә иштирак етмәкдә сәрбәстдирләр. Әҝәр истәсәләр, онлар һәмчинин јығынҹағын ағсаггалларына мәсләһәт үчүн мүраҹиәт едә биләрләр. Мәгсәд — адама јенидән Јеһованын Шаһиди олмаг үчүн тәләбләрә мүвафиг олмаға көмәк етмәкдән ибарәтдир. Пис әмәлдән әл чәкән вә сәмими гәлбдән төвбә едән јығынҹагдан кәнар олунанлар һәмишә јығынҹагла сәмими мүнасибәтләри бәрпа едә биләрләр.