Дүнјанын ән зәнҝин алмаз мәдәнинә саһиб Ботсвана шәһәриндә 22—28 август 2016-ҹы ил тарихләриндә тиҹарәт сәрҝиси кечирилди. Јеһованын Шаһидләри бу сәрҝидә фәргли ҹәваһират нүмајиш етдирди. Онлар Мүгәддәс Китаба әсасланан нәшрләр тәклиф едир, jw.org веб-сајты илә таныш едир вә аилә телләрини мөһкәмләндирән видеолар ҝөстәрирдиләр.

Мүгәддәс Китаб принсипләрини тәтбиг етмәји өјрәдән «Јеһованын досту ол» ҹизҝи филми сәрҝини зијарәт едән валидејн вә ушагларын хүсуси марағына сәбәб олду. Ботсвананын милли дили олан сетсвана дилиндә ҹизҝи филмләринин сајы чох аз олдуғуна ҝөрә зијарәтчиләрин әксәријјәти видеолары неҹә әлдә едә биләҹәкләрини сорушду.

Өлкәнин һәр јериндән ҝәлән зијатчиләр тәхминән 10 000 нәшр ҝөтүрдү вә 120 нәфәр пулсуз Мүгәддәс Китаб дәрси алмаг истәдијини билдирди. Бу сәрҝидә инҝилис вә сетсвана дилли Јеһованын Шаһидләринин бир-бирилә неҹә меһрибан әмәкдашлыг етмәси чохларыны һејран етди.

Сәрҝидә Јеһованын Шаһидләринин стендләри биринҹи јерә лајиг ҝөрүлдү.