Биз никаһа вә бошанмаја Мүгәддәс Китабын нөгтеји-нәзәри илә јанашырыг. Аллаһ никаһы јарадыб ки, киши вә гадын арасында әбәди иттифаг олсун. Мүгәддәс Китаба әсасән, јалныз зина едиләрсә, бошанмаг олар (Мәтта 19:5, 6, 9).

Јеһованын Шаһидләри аиләсиндә ҹидди проблемләр јашајан ҹүтлүкләрә көмәк едирләр?

Бәли, бу үсулларла:

• Нәшрләр. Мүтәмади олараг нәшрләримиздә аилә мүнасибәтләрини мөһкәмләндирмәјә көмәк едән мәгаләләр дәрҹ олунур. Бу мәгаләләрин һәтта мүнасибәтләри дүзәлтмәјин мүмкүн олмадығы кими ҝөрүнән аиләләрә белә, бөјүк көмәји дәјир. Мисал олараг, «Никаһда садиглији горујун», «Неҹә бағышлаја биләрсән?» вә «Никаһда јенидән етибар јарат» мәгаләләрини ҝәтирмәк олар.

• Ибадәт ҝөрүшләри. Биз ибадәт ҝөрүшләриндә вә бөјүк топлантыларда никаһы мөһкәмләндирән Мүгәддәс Китаб принсипләрини мүзакирә едирик.

• Јығынҹаг нәзарәтчиләри. Јығынҹаг нәзарәтчиләри проблеми олан аиләләрә Ефеслиләрә 5:22—25 вә бу кими диҝәр ајәләр васитәсилә көмәк едир.

Јығынҹаг нәзарәтчиләри Јеһованын Шаһидинин бошанмасына разылыг вермәлидирми?

Хејр. Нәзарәтчиләр әр-арвадлара араларында јаранмыш проблемләри арадан галдырмаға көмәк етмәјә чалышырлар. Бунунла белә, онларын ҹүтлүјүн әвәзинә гәрар вермәјә ихтијарлары јохдур (Галатијалылара 6:5). Мүгәддәс Китабын әсас вермәдији сәбәбә ҝөрә бошананлара јығынҹагда мәсулијјәтләр верилмир вә онлар Мүгәддәс Китаба әсасән, башгасы илә аилә гура билмәзләр (1 Тимутијә 3:1, 5, 12).

Јеһованын Шаһидләри ајры јашамаға неҹә бахырлар?

Һәтта аиләдә вәзијјәт хош олмаса белә, Мүгәддәс Китаб әр-арвадлары бир јердә јашамаға тәшвиг едир (1 Коринфлиләрә 7:10—16). Үрәкдән дуа етмәклә, Мүгәддәс Китаб принсипләринә әмәл етмәклә вә мәһәббәт ҝөстәрмәклә бир чох проблем һәлл олуна биләр (1 Коринфлиләрә 13:4—8; Галатијалылара 5:22).

Анҹаг елә вәзијјәт јарана биләр ки, Јеһованын Шаһиди ајры јашамаға гәрар версин. Мәсәлән, һәјат јолдашы...

• аиләсинин гејдинә галмырса (1 Тимутијә 5:8).

• зоракылыг едирсә (Зәбур 11:5).

• Јеһоваја ибадәт етмәјә јол вермирсә. Мисал үчүн, әр вә ја арвад һәјат јолдашыны Аллаһын гануну позмаға мәҹбур едир. Зәрәр чәкән тәрәф белә вәзијјәтдә дүшүнә биләр ки, Аллаһа садиг галмаг истәјирсә, јеҝанә чыхыш јолу ајры јашамагдыр (Һәвариләрин ишләри 5:29).