Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

18 НОЈАБР 2013-ҸҮ ИЛ
ДҮНЈА ҮЗРӘ ҺҮГУГИ МӘСӘЛӘЛӘР

Һәбсдә оланлары унутмајын

Һәбсдә оланлары унутмајын

Мүлки вә Сијаси Һүгуглар һаггында Бејнәлхалг Пактын 18-ҹи маддәсиндә дејилир: «Һәр бир инсан дүшүнҹә, виҹдан вә дин азадлығы һүгугуна маликдир» *. Бәзи өлкәләрдә Јеһованын Шаһидләри әсас инсан һүгугларындан бири олан бу һүгугдан истифадә етдикләри үчүн һәбсханаја салыныр вә гәддар рәфтарла үзләширләр. Һәбсдә сахланыланларын әксәријјәти етигадлары һәрби хидмәтә ҝетмәјә јол вермәјән ҝәнҹ оғланлар, галанлары исә садәҹә өз динләринә етигад едәнләрдир.

Лакин Јеһованын Шаһидләринә гаршы ҝөстәрилән пис мүнасибәт онлары өз динләринә етигад етмәк әзмләриндән дөндәрмир. Әксинә, бу, инсан һагларына һөрмәт етмәјән дөвләтләрин бејнәлхалг имиҹинә хәләл ҝәтирир. Ашағыдакы чәрчивәдә һарада, нечә Јеһованын Шаһидинин һәбсдә олдуғуну ҝөрә биләрсиниз.

Сијаһы 2013-ҹү ил 12 нојабр тарихинәдәк олан мәлуматлара әсасән тәртиб едилиб

 ЕРИТРЕЈА

Сон мәлуматлара ҝөрә, араларында киши вә гадынларын олдуғу 52 Јеһованын Шаһиди һәбсханада пис шәраитдә сахланылыр. Бу Шаһидләрдән һеч биринә гаршы рәсми иттиһам ирәли сүрүлмәјиб вә онлар рәсмән мәһкәмәјә ҹәлб олунмајыблар. Онлар етигадларына, дини фәалијјәтә вә диҝәр ачыгланмајан сәбәбләрә ҝөрә һәбсдә сахланылырлар. Үч киши — Паулос Ејассу, Исаак Могос вә Неҝеде Теклемариам етигадларына ҝөрә һәрби хидмәтдән имтина етдикләри үчүн 1994-ҹү ил 24 сентјабр тарихиндән бу ҝүнәдәк һәбсханада сахланылыр. 60-дан чох јашлары олан ики Јеһованын Шаһиди — Мисгһина Гебретинсае вә Јоһаннес Һаиле һәбсханада вәфат едиб. Еритреја 1993-ҹү илдә мүстәгиллик газандыгдан та бу ҝүнәдәк Јеһованын Шаһидләрини һәбс едир, онлара ишҝәнҹә вә зүлм верир.

 ҸӘНУБИ КОРЕЈА

Һал-һазырда етигадларына ҝөрә һәрби хидмәтдән имтина едән 599 ҝәнҹ Јеһованын Шаһиди һәбсдәдир, онларын һәр бири 18 ајлыг азадлыгдан мәһрум едилиб. Кореја мүһарибәсиндән сонра бу ҝүнәдәк Ҹәнуби Кореја дөвләти һәрби хидмәтдән имтина едән ҝәнҹ Шаһидләри мәһкәмәјә ҹәлб едир вә мәсәләни һәлл етмәк үчүн алтернатив хидмәт тәгдим етмир. Бу ҝүнәдәк Ҹәнуби Корејада һәрби хидмәтдән имтина едән 17 549 Јеһованын Шаһидинә үмуми һесабла 34 100 ил һәбс ҹәзасы кәсилиб. Ҹәнуби Кореја үзәринә ҝөтүрдүјү бејнәлхалг өһдәликләрини јеринә јетирмир вә етигадларына ҝөрә һәрби хидмәтдән имтина едәнләрин мүһүм һүгугларыны танымагдан имтина едир. Әлавә мәлумат үчүн «Ҹәнуби Корејадакы һагсызлыг бејнәлхалг иҹтимаијјәтин етиразына сәбәб олуб» мәгаләсинә бахын.

 ДАҒЛЫГ ГАРАБАҒ

Етигадларына ҝөрә һәрби хидмәтдән имтина едән 20 јашлы Јеһованын Шаһиди Дағлыг Гарабағда алтернатив мүлки хидмәт олмадығы үчүн һәбс едилиб. 30 декабр 2011-ҹи ил тарихиндә она 30 ајлыг һәбс ҹәзасы кәсилмишди; 2013-ҹү ил јанварын 29-да шәрти азадлыға бурахылма үчүн етдији мүраҹиәти рәдд едилди. Хәстәлијинин мүалиҹәсинә ҝөрә азадлыға бурахылмаг үчүн етдији хаһиши дә һәбсхана мүдиријјәти тәрәфиндән гәбул едилмәди.

 СИНГАПУР

Сингапурда да һәрби хидмәт мәҹбуридир вә дөвләт етигадлара ҝөрә һәрби хидмәтдән имтина едәнләрин һүгугларыны танымыр. Јеһованын Шаһидләри илә бирҝә ибадәт едән вә Мүгәддәс Китаб әсасында тәрбијә едилмиш виҹданларына гаршы чыхмамаг нијјәтләриндә гәти олан 18 ҝәнҹ силаһлы гүввәләрин тәҹридханаларында онлара кәсилмиш 39 ајлыг һәбс ҹәзасыны чәкир. Башга бир Шаһид исә һәрби хидмәтдән имтина етдији үчүн бир ил һәбсханада јатандан сонра 2013-ҹү илин августунда азадлыға бурахылмышды.

 ТҮРКМӘНИСТАН

Түркмәнистанда һал-һазырда 9 Јеһованын Шаһиди — 8-и етигадларына ҝөрә һәрби хидмәтдән имтина етдији үчүн, 1-и исә јалан иттиһамлар уҹбатындан һәбсдә сахланылыр. Онларын ҹәза мүддәтләри 12—24 ај арасында дәјишир. Онлар тез-тез һәбсхана кешикчиләри вә әсҝәрләр тәрәфиндән вәһшиҹәсинә дөјүлүрләр. Азадлыға бурахыландан сонра да ејни адамлары бәзән «тәкрар ҹинајәт төрәтмәкдә» иттиһам едәрәк јенидән вә даһа сәрт шәраити олан һәбсханаја салырлар.

^ абз. 2 Һәмчинин бахын: БМТ-нин Инсан һүгуглары һаггында үмуми бәјаннамә, 18-ҹи маддә, еләҹә дә Авропа Инсан Һүгуглары Конвенсијасы, 9-ҹу маддә.