Контентә кеч

Мүндәриҹаты ҝөстәр

 МӘСИҺИ ҺӘЈАТЫ

Хидмәтдә пүхтәләшәк. Марагланан инсанлары јығынҹаға ҝәлмәјә тәшвиг ет

Хидмәтдә пүхтәләшәк. Марагланан инсанлары јығынҹаға ҝәлмәјә тәшвиг ет

НӘ ҮЧҮН ВАҸИБДИР? Јығынҹаг ҝөрүшләриндә Јеһова Аллаһын шәнинә нәғмә охумаг вә Ону мәдһ етмәк имканымыз олур (Зб 149:1). Орада биз Аллаһын ирадәсини јеринә јетирмәји өјрәнирик (Зб 143:10). Адәтән, мараглананлар вә Мүгәддәс Китабы өјрәнәнләр јығынҹаға ҝәлмәјә башлајандан сонра инкишаф едирләр.

НЕҸӘ ЕТМӘЛИ?

  • Инсаны јығынҹаға нә гәдәр тез дәвәт етсәк, о гәдәр јахшыдыр. Онунла мүнтәзәм дәрс кечәҹәјимиз вахты ҝөзләмәк лазым дејил (Вһ 22:17).

  • Марагланан инсана јығынҹагда нәләрин олаҹағыны, һәмин ҝүн нә мүзакирә олунаҹағыны изаһ ет. Бунун үчүн дәвәтнамә вермәк, «Ибадәт ҝөрүшләримиз неҹә кечирилир?» адлы видеону ҝөстәрмәк вә ја «Јеһова Аллаһын мүасир халгы» брошүрүндән 5 вә 7-ҹи дәрсләри мүзакирә етмәк олар.

  • Көмәјини тәклиф ет. Онунла бирликдә јығынҹаға ҝетмәји, јахуд мүнасиб ҝејим сечиминдә көмәјини тәклиф едә биләрсән? Јығынҹагда јанында отур вә нәшрләри елә тут ки, о да бахсын. Ону баҹы-гардашларла таныш ет.