Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мәсиһи һәјаты вә ибадәти. Иш дәфтәри  |  Октјабр 2017

 МӘСИҺИ ҺӘЈАТЫ

Аллаһын Кәламыны дәриндән өјрәнин

Аллаһын Кәламыны дәриндән өјрәнин

Һамымыз истәјәрдик ки, сынагларла үзләшәндә Дәнјал пејғәмбәр кими Аллаһа садиг галаг. Бәс она сәдагәтли олмаға нә көмәк етмишди? О, Аллаһын Кәламыны, һәмчинин пејғәмбәрләрин ҝәләҹәклә бағлы јаздығы ајәләри диггәтлә арашдырырды (Дн 9:2). Мүгәддәс Китабы өјрәнмәк бизә дә Аллаһа садиг галмаға көмәк едәҹәк. Чүнки Мүгәддәс Китабы өјрәнәндә Јеһованын вәдләринин јеринә јетәҹәјинә әминлијимиз артыр (Јш 23:14). Һәмчинин бизи ҝөзәл әмәлләрә тәшвиг едән гәлбимиздәки илаһи мәһәббәт ҝүҹләнир (Зб 97:10). Бәс бу мүталиәни неҹә апармаг лазымдыр? Ҝәлин, бир нечә мәсләһәти нәзәрдән кечирәк.

  • Нәји арашдырым? Кејфијјәтли Мүгәддәс Китаб мүталиәсинә јығынҹаг ҝөрүшүнә һазырлашмаг да дахилдир. Мүгәддәс Китабын һәфтәлик програм үзрә гираәтини даһа еффектив етмәк үчүн сизә гаранлыг галан мәгамлары дәриндән арашдырын. Бәзи баҹы-гардашлар Мүгәддәс Китабдакы пејғәмбәрликләри, мүгәддәс руһун бәһрәсинә дахил олан кејфијјәтләри, һәвари Булусун тәблиғ сәјаһәтләрини вә Јеһованын јаратдыглары илә бағлы мөвзулары арашдырыр. Мүгәддәс Китабла бағлы суалыныз јарананда һараса гејд един вә мүталиә кечирдијиниз ҝүн һәмин суалы арашдырын.

  • Мәлуматы һарада ахтарым? «Илаһи елмин инҹиләрини топламаға көмәк едән васитәләр» адлы видеоја бахын, орада бунун бир нечә үсулу ҝөстәрилир. Ахтарыш апармаг баҹарығынызы јохламаг үчүн «Дәнјал» китабынын 7-ҹи фәслиндә тәсвир олунан вәһши һејванларын һәр биринин һансы дөвләти тәмсил етдијини арашдырын.

  • Мүталиәјә нә гәдәр вахт ајырмаг лазымдыр? Иманымызын мөһкәм олмағыны истәјириксә, мүталиәни мүнтәзәм кечирмәлијик. Вахта ҝәлдикдә исә әввәл-әввәл вахты бир аз гыса етмәк олар, амма ҝет-ҝедә артырмаг лазымдыр. Мүгәддәс Китабы арашдырмағы хәзинә ахтармаға бәнзәтмәк олар; адам нә гәдәр чох ҹәваһир тапыр, бир о гәдәр чох ахтармаг истәјир (Мс 2:3—6). Беләҹә, Мүгәддәс Китаба иштаһаныз артаҹаг вә мүталиә һәјатынызын ајрылмаз һиссәси олаҹаг (1Бт 2:2).

«ДӘНЈАЛ» КИТАБЫНЫН 7-ҸИ ФӘСЛИНДӘ ТӘСВИР ОЛУНАН ВӘҺШИ ҺЕЈВАНЛАР НӘЈИ ТӘМСИЛ ЕДИР?

ӘЛАВӘ СУАЛ

Дәнјал 7:8, 24 ајәләри неҹә јеринә јетди?

НӨВБӘТИ МҮТАЛИӘНИЗДӘ АРАШДЫРЫН:

«Вәһј» китабынын 13-ҹү фәслиндә тәсвир олунан һејванлар нәји тәмсил едир?