Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Салоникилиләрә 1:1—12

МҮНДӘРИҸАТ

  • Саламлар (1, 2)

  • Салоникилиләрин иманы артыр (3—5)

  • Итаәт етмәјәнләрдән гисас алынаҹаг (6—10)

  • Јығынҹаг үчүн дуа (11, 12)

1  Булус, Силван* вә Тимутидән+ Атамыз Аллаһла вә Ағамыз Иса Мәсиһлә вәһдәтдә олан салоникилиләрин јығынҹағына мәктуб.  Атамыз Аллаһдан вә Ағамыз Иса Мәсиһдән ҝәлән лүтф вә сүлһ сизә јар олсун.  Гардашлар, сиздән өтрү һәр заман Аллаһа шүкүр етмәји өзүмүзә борҹ билирик. Белә дә олмалыдыр, чүнки сизин иманыныз артдыгҹа артыр вә һамынызын бир-биринә дујдуғу мәһәббәт ҝүнү-ҝүндән ҝүҹләнир.+  Буна ҝөрә дә Аллаһын јығынҹагларында сизинлә фәхр едирик,+ чүнки бүтүн тәгибләрә вә чәкдијиниз әзијјәтләрә бахмајараг, сиз дөзүм вә иман ҝөстәрирсиниз.+  Бу, Аллаһын әдаләтли һаким олдуғуна сүбутдур. Бунун сајәсиндә сиз уғрунда әзијјәт чәкдијиниз Аллаһын Падшаһлығына лајиг ҝөрүлүрсүнүз.+  Бәли, сизә зүлм едәнләрә әвәзини вермәк Аллаһын ҝөзүндә әдаләтлидир.+  Әзијјәт чәкән сизләрә исә Ағамыз Исанын өз гүдрәтли мәләкләри+ илә бирликдә од-аловла ҝөјдән зүһур едәҹәји вахт+ бизимлә бирликдә раһатлыг вериләҹәк.  О вахт Аллаһы танымајанлардан вә Ағамыз Иса һаггындакы мүждәјә итаәт етмәјәнләрдән гисас алынаҹаг.+  Онлар әбәди мәһв ҹәзасына мәһкум едиләрәк Ағанын өнүндән рәдд едиләҹәк+ вә онун шанлы гүдрәтиндән мәһрум олаҹаглар. 10  Бүтүн бунлар Ағанын өз мүгәддәсләри илә бирликдә шәрәфләнмәк үчүн ҝәләҹәји вә она иман едәнләрдә һејрәт доғураҹағы о ҝүн баш верәҹәк. Бәли, сиз вердијимиз шәһадәтә иман ҝәтирдиниз. 11  Буна ҝөрә дә сизин үчүн даима дуа едирик ки, Аллаһымыз сизи дәвәтинә лајиг билсин,+ арзу етдији бүтүн јахшы ишләри гүдрәти илә там иҹра етсин вә имандан доған ишләринизи аванд етсин. 12  Белә ки, Аллаһымызын вә Ағамыз Иса Мәсиһин лүтфү сајәсиндә Ағамыз Исанын ады сизин васитәнизлә шәрәфләнсин, сиз дә онун сајәсиндә шәрәфә јетишәсиниз.

Һашијәләр

Диҝәр ады Сила.