Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

2 Салнамәләр 22:1—12

МҮНДӘРИҸАТ

  • Јәһуда падшаһы Әһәзја (1—9)

  • Әтәлја тахт-таҹы әлә кечирир (10—12)

22  Јерусәлим әһли Јәһурамын јеринә онун кичик оғлу Әһәзјаны тахта чыхарды. Чүнки басгынчылар әрәбләрлә бирҝә ҝәлиб онун бөјүк гардашларыны өлдүрмүшдүләр.+ Беләҹә, Јәһурам оғлу Әһәзја Јәһудада һакимијјәт сүрмәјә башлады.+  О тахта чыханда ијирми ики јашында иди вә бир ил Јерусәлимдә һакимијјәт сүрдү. Онун анасы Омринин+ нәвәси Әтәлја+ иди.  Әһәзја да Әһәб евинин јолу илә ҝетди,+ чүнки анасы ону пис јола јөнәлдирди.  О, Әһәб еви кими, Јеһованын бәјәнмәдији пис ишләр ҝөрүрдү, чүнки атасынын өлүмүндән сонра Әһәб евинин сөзү илә отуруб-дурурду. Бу, онун мәһвинә ҝәтириб чыхарды.  Әһәзја онларын сөзү илә Исраил падшаһы Әһәб оғлу Јәһурамла бирликдә Арам падшаһы Һәзаиллә+ вурушмаг үчүн Рамут-Ҝилада+ ҝетди. Орада охатанлар Јәһурамы јаралады.  О, Рамада Арам падшаһы Һәзаиллә дөјүшдә алдығы јаралардан сағалмаг үчүн Јизраилә+ гајытды.+ Јәһуда падшаһы Јәһурам+ оғлу Әһәзја* Әһәб оғлу Јәһурамы+ ҝөрмәк үчүн Јизраилә ҝетди, чүнки о јараланмышды*.+  Әһәзјанын Јәһурама баш чәкмәси онун мәһвинә сәбәб олду. Бу иш Аллаһдан иди. Әһәзја орада оланда Јәһурамла бирҝә Нимшинин нәвәси Јәһунун+ гаршысына чыхды. Јеһова Јәһуну Әһәб евини јох етмәк үчүн+ мәсһ етмишди.  Јәһу Әһәб нәслинә кәсилән һөкмү иҹра етмәјә башлады. О, Јәһуда әмирләрини вә Әһәзјаја хидмәт едән гардашлары оғулларыны ҝөрүб онлары өлдүрдү.+  Сонра Әһәзјаны ахтарды. Ону Сәмәријјәдә ҝизләндији јердә тапдылар вә Јәһунун јанына ҝәтириб өлдүрдүләр. «О, Јеһоваја сидги-үрәкдән ибадәт етмиш Јәһушафатын нәвәсидир»+ дејиб ону дәфн етдиләр.+ Бунунла да Әһәзјанын евиндә падшаһлыг етмәјә габил бир кимсә галмады. 10  Әһәзјанын анасы Әтәлја+ оғлунун өлдүјүнү ҝөрәндә галхыб бүтүн Јәһуда евинин шаһ нәслини гырды.+ 11  Анҹаг Јәһурам+ падшаһын гызы Јәһусәбат өлүм һөкмү верилмиш шаһзадәләрин ичиндән Әһәзјанын оғлу Јуәси+ хәлвәтҹә гачыртды вә ону дајәси илә бирҝә ичәридәки јатаг отағына апарды. Падшаһын гызы Јәһусәбат (о, каһин Јәһјадајын+ арвады, Әһәзјанын баҹысы иди) Јуәси Әтәлјадан ҝизләдә билди. Әтәлја ону өлдүрмәди.+ 12  Јуәс алты ил онларын јанында Аллаһын мәбәдиндә ҝизләнди. Бүтүн бу вахт әрзиндә Әтәлја өлкәдә һөкмранлыг едирди.

Һашијәләр

Бәзи ибрани әлјазмаларында Әзрија.
Јахуд хәстә иди.