Контентә кеч

Мүндәриҹаты ҝөстәр

2 Салнамәләр 11:1—23

МҮНДӘРИҸАТ

  • Рәһабамын һөкмранлығы (1—12)

  • Сәдагәтли лавилиләр Јәһудаја ҝәлирләр (13—17)

  • Рәһабамын аиләси (18—23)

11  Рәһабам Јерусәлимә ҝәлән кими Исраиллә мүһарибә едиб сәлтәнәти ҝери гајтармаг үчүн бүтүн Јәһуда вә Бинјамин әһлини+ — 180 000 тәлим ҝөрмүш дөјүшчүнү топлады.+  Аллаһ адамы Шәмаја+ Јеһованын сөзү назил олду:  «Јәһуда падшаһы Сүлејман оғлу Рәһабама, Јәһудада вә Бинјаминдәки бүтүн исраиллиләрә сөјлә ки,  Јеһова белә дејир: “Гардашларынызла мүһарибә етмәјин. Гој һәр кәс өз евинә гајытсын, чүнки бу иш Мәндән олуб”».+ Онлар Јеһованын сөзүнә гулаг асыб ҝери гајытдылар вә Әрубама һүҹум етмәдиләр.  Рәһабам Јерусәлимдә јашады вә Јәһудада гала-шәһәрләр салды.  Шәһәрләр бунлар иди: Бејтләһм+, Етам, Тәгуһ+,  Бејт-Сур, Сого+, Әдуллам+,  Ҹат+, Мәраш, Зиф+,  Әдурајим, Лаһиш+, Әзга+, 10  Сораһ, Ајалон+ вә Һәбрун+. Бу гала-шәһәрләр Јәһудада вә Бинјаминдә јерләширди. 11  Сонра о, галалары мөһкәмләндириб ора рәисләр гојду. Галалара әрзаг, јағ вә шәраб еһтијаты јығды. 12  Һәр шәһәри галхан вә низәләрлә тәҹһиз етди. Шәһәрләрин мүһафизәсини әмәлли-башлы ҝүҹләндирди. Јәһуда вә Бинјамин онун табелијиндә галды. 13  Бүтүн Исраилдә олан каһинләр вә лавилиләр өз јерләриндән ҝәлиб Рәһабамын тәрәфинә кечдиләр. 14  Лавилиләр отлагларыны вә мүлкләрини гојуб+ Јәһудаја вә Јерусәлимә ҝәлдиләр. Чүнки Әрубам вә оғуллары онлары Јеһованын һүзурунда иҹра етдикләри каһинлик хидмәтиндән узаглашдырмышды.+ 15  Әрубам сәҹдәҝаһларда кечијәбәнзәр ҹинләрә*+ вә дүзәлтдији даналара+ хидмәт етмәк үчүн каһинләр тәјин етди.+ 16  Исраилин бүтүн гәбиләләриндән Исраилин Аллаһы Јеһованы сидги-үрәкдән ахтаран һәр кәс ата-бабаларынын Аллаһы Јеһоваја гурбан ҝәтирмәк үчүн онларын ардынҹа Јерусәлимә ҝәлди.+ 17  Онлар үч ил әрзиндә Јәһуда падшаһлығыны мөһкәмләндирдиләр вә Сүлејман оғлу Рәһабамын тәрәфиндә олдулар. Үч ил Давудла Сүлејманын јолу илә ҝетдиләр. 18  Рәһабам Мәһаләти алды. Мәһаләтин атасы Давуд оғлу Әримут, анасы Јәссә оғлу Әлјабын+ гызы Абиһајил иди. 19  Мәһаләтин дүнјаја ҝәтирдији оғуллар: Јәуш, Шимрај вә Зәһам. 20  Рәһабам Мәһаләтдән сонра Абсаламын+ нәвәси Мәкаһы алды. Мәкаһын дүнјаја ҝәтирдији оғуллар: Әбијја+, Аттај, Зиза вә Сәлимәт. 21  Рәһабам Абсаламын нәвәси Мәкаһы бүтүн арвадларындан вә ҹаријәләриндән+ чох севирди. Онун 18 арвады, 60 ҹаријәси, 28 оғлу вә 60 гызы вар иди. 22  Рәһабам Мәкаһдан доғулан Әбијјаны гардашлары арасында башчы вә рәһбәр гојду. Чүнки өзүндән сонра Әбијјаны падшаһ гојмаг истәјирди. 23  Рәһабам ағылла давраныб оғулларындан бир нечәсини бүтүн Јәһуда вә Бинјамин бөлҝәләринә, бүтүн гала-шәһәрләрә+ ҝөндәрди. Онлары һәр шејлә тәмин етди вә онлара чохлу арвад алды.

Һашијәләр

Лв 17:7 һашијәсинә бах.