Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Салнамәләр 15:1—29

МҮНДӘРИҸАТ

  • Лавилиләр сандығы Јерусәлимә ҝәтирирләр (1—29)

    • Давуд Мәкјалын ҝөзүндән дүшүр (29)

15  О, Давуд шәһәриндә өзү үчүн евләр тикди вә Аллаһын сандығы үчүн јер һазырлајыб чадыр гурду.+  Онда Давуд деди: «Лавилиләрдән башга һеч ким Аллаһын сандығыны дашымајаҹаг. Чүнки Јеһова онлары сечиб ки, Јеһованын сандығыны дашысынлар вә һәмишә Она хидмәт етсинләр».+  Давуд бүтүн Исраили Јерусәлимә топлады ки, Јеһованын сандығыны һазырладығы јерә ҝәтирсинләр.+  Давуд Һарун өвладларыны+ вә лавилиләри+ топлады.  Кәһатлылардан башчы Уриил вә онун 120 гардашы,  мерарлылардан башчы Әсјаһ+ вә онун 220 гардашы,  һирсәмлиләрдән башчы Јуил+ вә онун 130 гардашы,  Әлсәфан+ өвладларындан башчы Шәмај вә онун 200 гардашы,  Һәбрун өвладларындан башчы Әлиил вә онун 80 гардашы, 10  Үззиил+ өвладларындан башчы Әминәдаб вә онун 112 гардашы ҝәлди. 11  Давуд һәмчинин каһин Садығы+ вә Әбјатары+, лавили Уриили, Әсјаһы, Јуили, Шәмајы, Әлиили вә Әминәдабы чағырыб 12  деди: «Сиз лавилиләрин нәсил башчыларысыныз. Сиз дә, гардашларыныз да пакланын вә Исраилин Аллаһы Јеһованын сандығыны һазырладығым јерә ҝәтирин. 13  Биринҹи дәфә сандығы сиз ҝәтирмәдиниз+ дејә, Аллаһымыз Јеһованын бизә гәзәби тутду.+ Чүнки биз Онун ҝөстәришинә әмәл етмәмишдик».+ 14  Беләҹә, каһинләр вә лавилиләр Исраилин Аллаһы Јеһованын сандығыны ҝәтирмәк үчүн пакландылар. 15  Јеһованын бујруғујла Мусанын әмр етдији кими, лавилиләр Аллаһын сандығыны шүвүлләрдән тутуб чијинләри үстә дашыдылар.+ 16  Давуд лавилиләрин башчыларына тапшырды ки, мәзмур охујан гардашларыны чалғы аләтләринин — телли аләтләрин, чәнҝ+ вә синҹләрин мүшајиәтилә шөвглә мәзмур охумаға тәјин етсинләр.+ 17  Лавилиләр Јуил оғлу Һиманы+, онун гардашларындан Бәрхија оғлу Асәфи+, гардашлары мерарлылардан Гушјаһ оғлу Итаны+ бу ишә тәјин етдиләр. 18  Икинҹи бөлүкдән+ олан гардашлары Зәкәријјә, Бән, Јәзиил, Шамирмут, Јәһјил, Унни, Әлјаб, Бәнаји, Мәсејјә, Мәттәсјаһ, Әлфәлиһ, дарваза кешикчиләри Мигнијјә, Абид-Әдум вә Јаәл онларла бирликдә иди. 19  Мәзмур охујанлар Һиман+, Асәф+ вә Итан мис синҹ+, 20  Зәкәријјә, Әзаил, Шамирмут, Јәһјил, Унни, Әлјаб, Мәсејјә, Бәнаји аламут*+ үстүндә көкләнмиш телли аләтләр чалырдылар. 21  Мусиги рәһбәрләри Мәттәсјаһ+, Әлфәлиһ, Мигнијјә, Абид-Әдум, Јаәл, Әзази шеминит*+ үстүндә көкләнмиш чәнҝ чалырдылар. 22  Лавилиләрин башчысы Кәнанја+ дашынма ишинә нәзарәт едирди, чүнки о, бу ишә јахшы бәләд иди. 23  Бәрхија вә Әлгәна сандығын кешикчиси иди, 24  каһинләр — Шәбани, Јушафат, Нәснаил, Әмәсај, Зәкәријјә, Бәнаји вә Әлјәзәр Аллаһын сандығы өнүндә уҹадан кәрәнај чалырды,+ Абид-Әдум вә Јәһијјә дә сандығын кешијини чәкирди. 25  Давуд, Исраил ағсаггаллары вә минбашылар Јеһованын Әһд сандығыны ҝәтирмәк үчүн шәнлик едә-едә Абид-Әдумун евинә ҝетдиләр.+ 26  Јеһова Әһд сандығыны дашыјан лавилиләрә көмәк етди. Буна ҝөрә онлар 7 буға, 7 гоч гурбан ҝәтирдиләр.+ 27  Давуд, еләҹә дә сандығы дашыјан лавилиләрин һамысы, мәзмур охујанлар, сандығы дашыјанларын вә мәзмур охујанларын башчысы Кәнанја зәриф парчадан голсуз көјнәк ҝејинмишди. Давудун әјниндә кәтан дөшлүк дә вар иди.+ 28  Бүтүн исраиллиләр севинҹ һарајлары+, шејпур, кәрәнај+, синҹ сәдалары алтында, телли аләтләрдә вә чәнҝләрдә уҹадан чала-чала Јеһованын Әһд сандығыны ҝәтирирдиләр.+ 29  Јеһованын Әһд сандығы Давуд шәһәринә+ дахил оланда Талутун гызы Мәкјал+ пәнҹәрәдән бахырды. Давуд падшаһын һоппаныб-дүшдүјүнү, шәнлик етдијини ҝөрәндә Давуд онун ҝөзүндән дүшдү.+

Һашијәләр