Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

1 Коринфлиләрә 8:1—13

МҮНДӘРИҸАТ

  • Бүтләрә тәгдим едилмиш гида (1—13)

    • Бизим үчүн тәк бир Аллаһ вар (5, 6)

8  Бүтләрә тәгдим едилмиш гидаја ҝәлдикдә,+ бу барәдә һамымызын билији вар.+ Билик инсаны гүррәләндирир, мәһәббәт исә руһән мөһкәмләндирир.+  Ким дүшүнүр ки, нә исә билир, әслиндә, онун һәлә лазымынҹа билији јохдур.  Амма ким Аллаһы севирсә, Аллаһ ону таныјыр.  О ки галды бүтләрә тәгдим едилмиш гиданын јејилмәсинә,+ биз билирик ки, бүт һеч нәдир, тәк олан Аллаһдан башга Аллаһ јохдур.+  Һәрчәнд ҝөјдә вә ја јердә «аллаһ» дејиләнләр вар вә доғрудан да, чохлу «аллаһлар» вә «ағалар» мөвҹуддур,+  амма бизим үчүн тәк бир Аллаһ вар.+ О, Атамыздыр,+ һәр шеј Ондандыр вә биз Онун үчүнүк.+ Һәмчинин бир Ағамыз вар, Иса Мәсиһ. Һәр шеј онун васитәсиләдир,+ биз дә онун васитәсилә јарадылмышыг.  Лакин буну һамы дәрк етмир.+ Чүнки бәзиләри әввәлләр бүтләрә ибадәт етдикләри үчүн һәлә дә једикләри шеји бүтә тәгдим едилмиш гурбан сајырлар.+ Белә адамларын виҹданы зәиф олдуғундан ләкәләнир.+  Амма гида бизи Аллаһа јахынлашдырмыр.+ Јемириксә, һеч нә итирмирик, јејириксә дә һеч нә газанмырыг.+  Анҹаг диггәтли олун ки, сизин һүгугунуз зәифләри јыхмасын.+ 10  Әҝәр зәиф адам сәни, билик саһибини бүтләрин мәбәдиндә сүфрә архасында әјләшән ҝөрәрсә, мәҝәр онун виҹданы ону бүтләрә тәгдим едилмиш гиданы јемәјә сөвг етмәз? 11  Сән өз билијинлә зәиф адамы, гардашыны мәһв едирсән. Һәрчәнд Мәсиһ онун уғрунда өз һәјатыны фәда едиб.+ 12  Сиз белә һәрәкәтләринизлә гардашларыныза гаршы ҝүнаһ едиб онларын зәиф виҹданыны+ јаралајанда Мәсиһә гаршы ҝүнаһ едирсиниз. 13  Буна ҝөрә дә гида гардашымын иманына хәләл јетирирсә, мән бир дә әт јемәрәм ки, гардашымын јыхылмасына баис олмајым.+

Һашијәләр