Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әјјуб 3:1—26

МҮНДӘРИҸАТ

  • Әјјуб доғулдуғу ҝүнү ләнәтләјир (1—26)

    • Әзабларынын сәбәбини арајыр (20, 21)

3  Сонра Әјјуб сөзә башлајыб доғулдуғу ҝүнә ләнәт јағдырды.+  Әјјуб белә деди:   «Каш нә доғулдуғум ҝүн олајды,+Нә дә “ана бәтнинә бир оғул дүшдү” дејилән ҝеҹә.   Каш о ҝүн зүлмәт олајды, Аллаһ ҝөјдән она нәзәр салмајајды,Ишыг үзү ҝөрмәјәјди.   Каш о ҝүн зүлмәтә гәрг олајды, Үзәринә гара булуд енәјди, Каш гаранлыг ону дәһшәтә салајды.   О ҝеҹә! Каш о ҝеҹәни зил гаранлыг бүрүјәјди,+Каш илин ҝүнләри ичиндә она севинҹ нәсиб олмајајды,Ајын ҝүнләри сырасына дүшмәјәјди.   Каш о ҝеҹә гысыр олајды,Каш о вахт шәнлик сәси олмајајды.   Каш ҝүнләрә ләнәт охујанлар о ҝүнә ләнәт јағдырајды,Кимләр ки ливјатаны*+ ојатмаға гадирдир.   Каш онун дан улдузлары сөнәјди,Каш ишыға һәсрәт галајды,Сүбһ шәфәгини ҝөрмәјәјди. 10  О, анамын бәтнинин гапыларыны бағламады,+Әзаб-әзијјәти мәндән ҝизләтмәди. 11  Нијә доғулан кими өлмәдим? Нијә ана бәтниндән чыханда өлмәдим?+ 12  Нијә мәни гуҹаға* алдылар,Нијә мәнә дөш вердиләр? 13  Инди раһатҹа узанмышдым,+Јатырдым, динҹәлирдим,+ 14  Тикдикләри виранә галмыш*Дүнја падшаһлары илә, вәзирләрилә, 15  Евләрини ҝүмүшлә долдурмуш,Гызыл топламыш рәһбәрләрлә. 16  Ахы нијә өлү доғулмуш,Ишыг үзү ҝөрмәјән ушаглар кими олмадым? 17  Орада шәр адамларын аҹығы битир,Тагәтсизләр динҹәлир,+ 18  Мәһбуслар раһатлыг тапыр,Онлары ишләдәнләрин сәсини ешитмирләр. 19  Орада кичик дә, бөјүк дә ејнидир,+Гул ағасындан азаддыр. 20  Ахы нијә Аллаһ әзаб чәкәнә ишыг верир?Нијә һәјаты аҹы оланы јашадыр?+ 21  Нә үчүн өлүм арзулајанлар өлүм тапмыр?+ Ахы онлар дәфинә ахтармагдан чох буну ахтарырлар, 22  Гәбир тапанда хошбәхт олурлар,Севиниб-шадланырлар. 23  Нијә Аллаһ һәр тәрәфдән сәдд гојдуғу инсана,Јолу-изи итирмиш адама ишыг верир?+ 24  Аһ-наләм јемәјимә гарышыб,+Аһ-зарым+ су кими ахыр. 25  Чүнки горхдуғум шеј башыма ҝәлиб,Һүркдүјүм шеј габағыма чыхыб. 26  Раһатлығым, динҹлијим, сакитлијим јохдур,Әзабларым гуртармыр ки гуртармыр».

Һашијәләр

Еһтимала ҝөрә, тимсаһ, јахуд башга ири, ҝүҹлү су һејваныдыр.
Јахуд диз үстүнә.
Диҝәр вариант: өзләри үчүн бош, кимсәсиз јерләр тикмиш.