Контентә кеч

Мүндәриҹаты ҝөстәр

Әјјуб 20:1—29

МҮНДӘРИҸАТ

  • Сөфәрин икинҹи нитги (1—29)

    • Әјјубун гынағы шәнинә тохунур (2)

    • Әјјубун шәр адам олдуғуна ејһам вурур (5)

    • Әјјубун писликдән хошландығына ишарә едир (12, 13)

20  Нәһмати Сөфәр+ белә ҹаваб верди:   «Бунлар мәни тәшвишә салыб,Дүшүнҹәләрим мәни раһат гојмур, данышмаға вадар едир.   Ешитдијим гынаг шәнимә тохунур,Ағлым мәҹбур едир ки, ҹаваб верим.   Өзүн дә билирсән ки,Бәшәр* хәлг едиләндән бәри+   Шәр адамын севинҹ һарајы гыса чәкир,Аллаһсызын шадлығы ани олур.+   Әзәмәти ҝөјләрә уҹалса да,Башы булудлара дәјсә дә,   Өз нәҹиси кими әбәдилик јох олаҹаг,Ону ҝөрәнләр: “О, һарададыр?” — дејә сорушаҹаглар.   Хәјал кими учуб-ҝедәҹәк, тапылмајаҹаг,Ҝеҹә рөјасы кими говулаҹаг.   Нә ону ҝөрмүш ҝөз,Нә дә мәканы ону бир даһа ҝөрмәјәҹәк.+ 10  Өвладлары касыб-кусубдан лүтф диләјәҹәк,Сәрвәтини өз әли илә ҝери верәҹәк.+ 11  Бир вахтлар сүмүкләринә долмуш ҝәнҹлик гүввәсиОнунла бәрабәр торпаг алтында јатаҹаг. 12  Пислик ағзында шәрбәт дадса да,Ону дилинин алтында ҝизләтсә дә, 13  Әзизләјиб бәсләсә дә,Дамағында сахласа да, 14  Лоғмасы гарнында туршујаҹаг,Ичиндә илан* зәһәринә дөнәҹәк. 15  Једији вар-дөвләти гусаҹаг,Аллаһ гарнындан чыхараҹаг. 16  О, илан зәһәрини әмәҹәк,Ҝүрзә ону чалыб өлдүрәҹәк. 17  Ҝөзләри бир даһа ҝур сулары,Јағ, бал селләрини ҝөрмәјәҹәк. 18  Топладығы мал-мүлкү ҝери верәҹәк, јејә билмәјәҹәк,Тиҹарәтдән газандығы вар-дөвләт она севинҹ ҝәтирмәјәҹәк.+ 19  Чүнки касыб-кусубу әзиб-тапдалајыб,Өзү тикмәдији еви әлә кечириб. 20  Гәлбиндә раһатлыг олмајаҹаг,Вар-дөвләти ону гуртармајаҹаг. 21  Ашырыб јемәјә һеч нә галмајыб,Она ҝөрә фираванлығы узун сүрмәјәҹәк. 22  Вар-дөвләти башындан ашанда раһатлығыны итирәҹәк,Бәдбәхтлик вар гүввәсилә онун үстүнә ҝәләҹәк. 23  О, гарныны дојдурандаАллаһ шиддәтли гәзәбини онун үзәринә төкәҹәк,Һиддәтини үзәринә јағдыраҹаг, ҝедиб бағырсагларына чатаҹаг. 24  О, дәмир силаһын габағындан гачандаМис камандан атылан охлар ону дәлиб-дешәҹәк. 25  Оху күрәјиндән,Бәрг вуран оху өд кисәсиндән чыхарыр,Ону дәһшәт бүрүјүр.+ 26  Хәзинәси зүлмәтә нәсиб олаҹаг,Һеч кимин јелләјиб алышдырмадығы од ону јандыраҹаг,Чадырында сағ галанын вај һалына! 27  Ҝөјләр онун пахырыны ачаҹаг,Јер она гаршы галхаҹаг. 28  Лејсан јағыш евини учуруб апараҹаг.Бәли, Аллаһын гәзәб ҝүнүндә селләр ҹошаҹаг. 29  Будур шәр адамын Аллаһдан алдығы пај,Будур Аллаһын она ајырдығы мирас».

Һашијәләр

Јахуд Адәм.
Кобра.