Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Әшија 53:1—12

МҮНДӘРИҸАТ

  • Јеһованын гулунун әзабы, өлүмү вә дәфни (1—12)

    • Она һәгарәт едирдиләр (3)

    • Азар-безарымызы чәкирди (4)

    • Кәсмәјә апарылан гојун (7)

    • Чохларынын ҝүнаһыны дашыды (12)

53  Ким биздән ешитдијинә* иман ҝәтирди?+ Јеһова ҝүҹүнү* кимә нүмајиш етдирди?+   О, онун* өнүндә пөһрә+ кими, гуру торпагда көк кими ҹүҹәрәҹәк. Ҝөркәминдә нә вүгар, нә ҹаһ-ҹалал вар,+Баханда ҝөркәми бизи өзүнә чәкмир.   Она һәгарәт едирдиләр, ондан ҝен ҝәзирдиләр,+О, дәрд әһли иди, азар-безары билән иди. Санки, чөһрәси биздән ҝизли иди*. Она һәгарәт едирдиләр, биз ону һеч сајырдыг.+   Әслиндә, о, азар-безарымызы чәкирди,+Дәрдимизи үзәринә ҝөтүрмүшдү.+ Биз исә елә билирдик, ону Аллаһ вуруб, дәрдә, бәлаја дүчар едиб.   Асилијимизә+ ҝөрә онун бәдәни дешилди,+Тәгсирләримизә ҝөрә әзаб чәкди.+ Әмин-аманлығымыз уғрунда ҹәза чәкди.+Биз онун јаралары илә шәфа тапдыг.+   Һамымыз гојун кими азыб галмышдыг,+Һәрә бир јана үз тутмушду;Јеһова һамымызын тәгсирини онун үзәринә гојду.+   Она зүлм вердиләр,+ о әзаб чәкмәјә разы олду,+Ағзыны да ачмады. Ону кәсмәјә апарылан гојун кими апардылар,+Гырхымчыларын габағында дилсиз-ағызсыз дуран гојун кими иди,Ағзыны ачыб динмәди.+   О, зүлм ҝөрдү, һагсыз мәһкум едилиб арадан ҝөтүрүлдү.Кимдир онун әсил-нәҹабәти илә марагланан?! Ону ишыглы дүнјадан* јох етдиләр;+О, халгымын асилији уҹбатындан вурулду.+   Она шәр бәндәләрин јанында,+Өләндә дөвләтлиләрин* јанында јер верилди,+Һалбуки һеч бир пислик* етмәмишди,Ағзындан бир һијләли сөз чыхмамышды.+ 10  Ону әзаба, азар-безара дүчар етмәк Јеһоваја мәгбул иди. Онун ҹаныны тәгсир гурбаны олараг тәгдим етсән,+О, өвладларыны ҝөрәҹәк, өмрүнү узадаҹаг,+Јеһованын истәји онун васитәсилә һәјата кечәҹәк.+ 11  Чәкдији ҹәфанын сәфасыны ҝөрүб разы галаҹаг. Мәним салеһ бәндәм, гулум+Елми илә чохларыны салеһлијә чатдыраҹаг*;+Онларын тәгсир јүкүнү дашыјаҹаг.+ 12  Буна ҝөрә она чохлары арасында пај верәҹәјәм,О, ҝүҹлү адамларла гәнимәт бөләҹәк,Чүнки ҹаныны өлүмә верди,+Асиләрә тај тутулду,+Чохларынын ҝүнаһ јүкүнү дашыды,+Асиләр үчүн имдад диләди.+

Һашијәләр

Диҝәр вариант: бизим ешитдијимизә.
Һәрфән: голуну.
Бурада ја инсан, ја да Аллаһ нәзәрдә тутулур.
Диҝәр вариант: адамларын үз чевирдији кәс кими иди.
Һәрфән: дириләр өлкәсиндән.
Һәрфән: дөвләтли адамын.
Јахуд зоракылыг.
Јахуд чохларына бәраәт газандыраҹаг.