Контентә кеч

Мүндәриҹаты ҝөстәр

Нәғмәләр нәғмәси 4:1—16

МҮНДӘРИҸАТ

  • Чобан (1—5)

    • «Еј севҝилим, нә ҝөзәлсән!» (1)

  • Гыз (6)

  • Чобан (7—16а)

    • «Гәлбими әсир алмысан, еј нишанлым» (9)

  • Гыз (16б)

4  «Еј севҝилим, нә ҝөзәлсән! Нә ҝөзәлсән! Өрпәк алтда ҝөзләрин ҝөјәрчин ҝөзләридир. Зүлфүн Ҝилад дағларындан енәнКечи сүрүсүнә бәнзәр.+   Дишләрин јениҹә гырхылмыш,Јујунуб ағармыш гојун сүрүсүнә бәнзәр.Һамысы әкиз балалы,Һеч бири баласыны итирмәјиб.   Ләбләрин ал-гырмызы ипә бәнзәр,Дилин шипшириндир. Өрпәк алтда јанагларын,Санки, нар дилимидир.   Бојнун+ чин-чин дашдан тикилмиш,Давуд гүлләси кимидир.+Үстүндән минләрлә галхан,Иҝидләрин ҝирдә галханлары асылмыш о гүлләдир.+   Дөшләрин занбаглар арасында отлајанБир ҹүт марал баласы,Әкиз ҹејран баласыдыр».+   «Ахшам сәрини дүшмәмиш, көлҝәләр итмәмишДурум мүрр дағына чыхым,Күндүр тәпәсинә галхым».+   «Башдан ајаға ҝөзәлсән,+Ејибсизсән, ај севҝилим.   Еј нишанлым, ҝәл бирҝә енәк Ливандан,Ҝәл, гоша енәк Ливандан.+ Ен Амана зирвәсиндән,Сәнир, Һәрмун зирвәсиндән.+Асланлар јувасындан, бәбирләр дағындан ен.   Гәлбими әсир алмысан,+ еј баҹым, еј нишанлым.Гәлбими әсир алмысан бирҹә бахышынла,Бојунбағынын бир мунҹуғујла. 10  Нәвазишләрин нә инҹәдир,+ еј баҹым, еј нишанлым, Нәвазишләрин шәрабдан шириндир,+Әтиринин гохусу һәр бир әдвадан хошдур!+ 11  Еј нишанлым, ләбләриндән шаны балы сүзүлүр,+ Дилинин алтында бал вар, сүд вар.+Либасындан Ливанын әтри ҝәлир. 12  Мәним баҹым, нишанлым гыфыллы бағ кимидир,Гыфыллы бағ, мөһүрлү булаг кимидир. 13  Фиданларын* нар бағыдыр*,Ҝөзәл-ҝөзәл мејвәләр, хынаҝүлү, нард битән бағдыр. 14  Ичиндә нард+, зәфәран, әтирли гамыш+, дарчын+,Һәр нөв күндүр ағаҹы, мүрр вә әзвај+ вардыр,Һәр ҹүр әтријјат+ вардыр. 15  Сән бағ чешмәсисән, саф сулу гујусан,Ливандан ахан чајларсан.+ 16  Ојан, еј гузеј меһи,Дур ҝәл, еј ҝүнеј меһи. Бағымда хәфифҹә әс, Гој әтир бүрүсүн бағымы». «Гој мәһбубум өз бағына ҝирсин,Ҝөзәл-ҝөзәл мејвәләрдән дадсын».

Һашијәләр

Диҝәр вариант: дәрин.
Һәрфән: нар ҹәннәтидир.