Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Наһум 2:1—13

МҮНДӘРИҸАТ

  • Нејнәва дармадағын едиләҹәк (1—13)

    • Чајларын дарвазалары ачылаҹаг (6)

2  Сәни* дармадағын едәҹәк бириси гаршына чыхды.+ Истеһкамларыны гору! Јолуну ҝөздән гојма! Белини гурша*! Вар ҝүҹүнү топла!   Јеһова Јагубун вүгарыны гајтараҹаг,Исраилин вүгарыны гајтараҹаг,Ахы гулдурлар ону гарәт едиб,+Пөһрәләрини мәһв едибләр.   Иҝидләринин галханлары гырмызы бојаныб,Ҹәнҝавәрләри ал-гырмызы ҝејиниб. Дөјүшә һазырлашдығы ҝүнҸәнҝ арабаларынын дәмирләри алов кими парылдајыр,Ардыҹ саплы низәләри һавада ојнајыр.   Ҹәнҝ арабалары дәлиҹәсинә күчәләрдән кечир. Мејданларда јухары-ашағы шүтүјүр. Онлар мәшәлә бәнзәјир, шимшәк кими бәрг вурур.   Падшаһ забитләрини чағыраҹаг. Онлар ајаглары долаша-долаша ирәлиләјәҹәкләр. Онун диварларына сары гачырлар,Сәдләр гурурлар.   Чајларын дарвазалары ачылаҹаг,Сарај дағылыб ҝедәҹәк.   Гәрар верилиб: шәһәр ифша едилди,О, сүрҝүнә апарылыр, кәнизләри зарыјыр.Онлар ҝөјәрчинтәк инләјиб синәләринә вурурлар.   Нејнәва+ вар олдуғу ҝүндән сулу һовуз кими иди,Инди сују ахыб ҝедир. «Дајанын!» «Дајанын!» Лакин дөнүб бахан јохдур.+   Ҝүмүшү талан един, гызылы талан един! Топланмыш сәрвәтин сајы-һесабы јохдур. Ҹүрбәҹүр ҝөзәл әшјалар галаг-галагдыр. 10  Шәһәр бомбошдур, тәрк едилиб, виран галыб!+ Горхудан үрәкләр әријир, дизләр әсир, ајаглар титрәјир,Чөһрәләр од тутуб јаныр. 11  Һаны асланлар јувасы,+ ҝәнҹ асланларын бәсләндији јер?Һаны асланларын балалары илә бирҝә чыхдығы,Горхусуз-һүркүсүз јашадығы јер? 12  Аслан балалары үчүн гәдәринҹә ов овларды,Өз дишиләри үчүн ов боғарды. Мағараларыны шикарла,Јуваларыны парчаладығы һејванларла долдурарды. 13  Ордулар Аллаһы Јеһова бәјан едир:+ «Будур, сәнин үстүнә ҝәлирәм!Ҹәнҝ арабаларыны јандыраҹағам, түстү ичиндә галаҹаг.+Ҝәнҹ асланларыны гылынҹын ағзына верәҹәјәм. Сәнә јер үзүндә шикар гојмајаҹағам,Артыг гасидләринин сәси ешидилмәјәҹәк».+

Һашијәләр

Јәни Нејнәваны.
Һәрфән: бәркит.