Контентә кеч

Мүндәриҹаты ҝөстәр

Мәсәлләр 3:1—35

МҮНДӘРИҸАТ

  • Мүдрик ол вә Јеһоваја етибар ет (1—12)

    • Сәрвәтинлә Јеһованы шәрәфләндир (9)

  • Һикмәт тапан хошбәхтдир (13—18)

  • Һикмәт динҹлик ҝәтирир (19—26)

  • Инсанларла дүзҝүн рәфтар (27—35)

    • Инсанлара јахшылыг етмәк (27)

3  Оғлум, нәсиһәтими* унутма,Һөкмләрими сидги-үрәкдән тут.   Онлар сәнин өмрүнү, ҝүнүнү узадар,Һәјатына раһатлыг ҝәтирәр.+   Хејирхаһлығы, сәдагәти әлдән бурахма,+ Онлары бојнуна сары,Үрәјинин лөвһәсинә јаз.+   Онда Аллаһ да, бәндә дә үзүнә хош бахар,+Анлајыш саһибитәк танынарсан.   Бүтүн гәлбинлә Јеһоваја етибар ет,+Өз ағлына ҝүвәнмә.+   Һәр ишиндә Ону дүшүн,+О да јолларыны рәван едәр.+   Өз ҝөзүндә ағыллы олма,+ Јеһовадан горх, писликдән чәкин.   Онда ҹанын сағлам олар,Вүҹудун* тәравәтли.   Сәрвәтинлә, мәһсулунун нүбарилә+Јеһованы шәрәфләндир.+ 10  Онда анбарларын ағзынаҹан долар,+Күпләрин тәзә шәрабла ашыб-дашар. 11  Оғлум, Јеһованын тәрбијәсинә хор бахма,+Тәнбеһиндән икраһ етмә.+ 12  Чүнки ата әзиз оғлуну,Јеһова да севдији кәси тәнбеһ едәр.+ 13  Хошбәхт о кәсдир ки, һикмәт тапыб,+О кәсдир ки, бәсирәтә наил олуб. 14  Һикмәт газанмаг ҝүмүш газанмагдан јахшыдыр,Бу газанҹ гызылдан сәрфәлидир.+ 15  О, мәрҹанлардан гијмәтлидир,Арзуладығын шејләрдән һеч бири она тај ола билмәз. 16  Сағ әлиндә узун өмүр,Сол әлиндә сәрвәт вә шәрәф вар. 17  Јолларында сәадәт,Ҹығырларында әмин-аманлыг вар.+ 18  Һикмәт она бағлананлар үчүн һәјат ағаҹыдыр,Ондан јапышанлар бәхтәвәр адланар.+ 19  Јеһова јерин тәмәлини һикмәтлә гуруб,+ Ҝөјләри зәкасы илә бәргәрар едиб.+ 20  Елми илә әнҝин сулар бөлүнүб,Ҝөјүн булудларындан шеһ чиләниб.+ 21  Оғлум, бунлары нәзәриндән гачырма. Һикмәти, дүшүнҹәни гору, 22  Онлар сәнә һәјат верәр,Боғазына ҝөзәл бојунбағы олар. 23  Асудә, раһат ҝәзәрсән,Ајағын һеч вахт бүдрәмәз.+ 24  Јатанда горхмазсан,+Јатағында ширин јухуја ҝедәрсән.+ 25  Гәфил бәлаја дүшмәкдән,Бәдәмәлләри һаглајан туфандан+ горхмазсан.+ 26  Јеһова сәнә дајаг олар.+Ајағыны тәләдән горујар.+ 27  Әлиндән јахшылыг ҝәлирсә,Еһтијаҹы олан кәсдән әсирҝәмә.+ 28  Әҝәр бу ҝүн имканын варса, гоншуна: «Ҝет, сонра ҝәләрсән. Сабаһ верәрәм», — демә. 29  Сәндән архајын јашајан гоншунаФитнә гурма.+ 30  Сәнә пислији дәјмәјән адамлаНаһаг јерә чәкишмә.+ 31  Гәддар адама һәсәд апарма,+Онун јолларыны тутма. 32  Јеһова фитнәкардан икраһ едәр,+Амма салеһ адамла достлуг едәр.+ 33  Јеһованын ләнәти шәр адамын еви үзәриндә олар,+Салеһин евинә исә О, хејир-бәрәкәт верәр.+ 34  Ришхәндчиләрә истеһза едәр,+Һәлимләрә лүтф ҝөстәрәр.+ 35  Һикмәтлиләрин нәсиби шәрәф олар,Ахмаглар рәзилликлә фәхр едәр.+

Һашијәләр

Јахуд ганунуму.
Һәрфән: сүмүјүн.