Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 27:1—27

МҮНДӘРИҸАТ

  • Дост мәзәммәти хејир ҝәтирәр (5, 6)

  • Оғлум, һикмәтли ол (11)

  • Дәмир дәмири итиләр (17)

  • Сүрүнү јахшы таны (23)

  • Вар-дөвләт һәмишәлик дејил (24)

27  Сабаһла өјүнмә,Чүнки сабаһын нә доғаҹағыны билмирсән.+   Өзүн өзүнү тәрифләмә, гој сәни башгасы тәрифләсин,Гој башгаларынын дили сәнә тәриф десин, өзүнүнкү јох.+   Даш да ағырдыр, гум да,Амма ахмағын јаратдығы дилхорчулуг икисиндән дә ағырдыр.+   Һиддәт амансыздыр, гәзәб ашыб-дашар,Амма гысганҹлығын* гаршысында ким дура биләр?+   Ачыг мәзәммәт ҝизли мәһәббәтдән јахшыдыр.+   Достун вурдуғу јара сәдагәтиндәндир.+Дүшмән исә өпдүкҹә өпәр*.    Тох адам шаны балыны да рәдд едәр,Амма аҹ адама аҹы да ширин ҝәләр.   Јурдундан дидәрҝин дүшән адамЈувасындан ајры дүшән гуша бәнзәр.   Көнлү хошһал ејләр јағ илә бухур,Бир дә ки саф өјүддән доған ширин достлуг.+ 10  Нә өз достуну, нә дә атанын достуну атма,Дар ҝүнүндә гардашынын евинә ҝетмә.Јахын гоншу узагдакы гардашдан јахшыдыр.+ 11  Оғлум, һикмәтли ол, гәлбим севинсин,+Мәнә мејдан охујана* ҹаваб верә билим.+ 12  Узагҝөрән бәланы дујуб ҝизләнәр,+Ҹаһил исә габаға ҝедиб зијан тапар. 13  Өзҝәдән өтрү замин дуранын либасыны ал,Јаделли гадындан өтрү замин дурарса, ондан ҝиров ал.+ 14  Ким уҹа сәслә сәһәр сүбһдән башгасына алгыш охујарса,Онун алгышы гарғыш сајылар. 15  Давакар* арвад јағышлы ҝүндә даман дама бәнзәр.+ 16  Ону ҹиловламаг күләји тутмаға,Сағ овуҹда јағы сахламаға бәнзәр. 17  Дәмир дәмири итиләр,Инсан да инсаны.+ 18  Әнҹир ағаҹына гуллуг едән бәһрәсини јејәр,+Ағасына јахшы бахан һөрмәт газанар.+ 19  Ҹамалын әкси суја дүшәр,Бир адамын үрәји дә о биринин үрәјини әкс етдирәр. 20  Мәзар* вә гара торпаг* һеч вахт дојмадығы кими,+Инсанын ҝөзләри дә һеч вахт дојмаз. 21  Ҝүмүш үчүн күрә вар, гызыл үчүн соба,+Инсан исә тәрифлә јохланар. 22  Һәвәнҝдәстәдә буғда дөјән кимиАхмағы дөјсән дә,Ахмаглығы ҹанындан чыхмаз. 23  Сүрүнү јахшы таны, Гојунларына јахшы бах.+ 24  Чүнки вар-дөвләт һәмишәлик дејил,+Таҹ да әбәдилик нәсилдән-нәслә кечмәз. 25  Јашыл от јох олар, јеринә тәзәси битәр,Дағларын отуну јығарлар. 26  Гочларын сәни ҝејиндирәр,Тәкәләрдән тарла пулу чыхар. 27  Кечиләрин о гәдәр сүд верәр ки,Өзүн дә, күлфәтин дә, гарабашларын да дојар.

Һашијәләр

Јахуд пахыллығын.
Диҝәр вариант: Дүшмәнин исә өпүшләри сүнидир.
Јахуд: мәни тәһгир едәнә.
Јахуд зәһләтөкән.
Ибр. шеол. Лүғәтә бах.
Һәрфән: һәлак јери.