Контентә кеч

Мүндәриҹаты ҝөстәр

Мәсәлләр 21:1—31

МҮНДӘРИҸАТ

  • Падшаһын үрәји Јеһованын әлиндәдир (1)

  • Һагг иш гурбандан јахшыдыр (3)

  • Чалышган уғур газанар (5)

  • Фәгири динләмәјән ешидилмәјәҹәк (13)

  • Јеһоваја зидд һикмәт јохдур (30)

21  Падшаһын үрәји Јеһованын әлиндәдир,+ Ону су ахыны кими истәдији сәмтә јөнәлдәр.+   Инсанын бүтүн јоллары өз ҝөзүндә дүз ҝөрүнәр,+Амма Јеһова үрәкләри арашдырар.+   Доғру вә һагг ишЈеһова үчүн гурбандан даһа хошдур.+   Мәғрур ҝөзләр вә тәкәббүрлү үрәкШәр адамын чырағыдыр, ҝүнаһдыр.+   Чалышганын нијјәти уғур ҝәтирәр,+Тәләскән еһтијаҹа јуварланар.+   Јаланла топланан хәзинәДағылан думана, өлүм тәләсинә бәнзәр*.+   Шәр адамы гәддарлығы мәһв едәр,+Чүнки һаггы, әдаләти тапдалајыр.   Ҝүнаһкарын јолу әјри-үјрүдүр,Пак адамын исә әмәлләри сафдыр.+   Давакар* арвадла бир евдә јашамагданса,Дамын бир күнҹүндә јашамаг јахшыдыр.+ 10  Шәр адам шәрә ҹан атар,+Гоншусуна рәһми ҝәлмәз.+ 11  Ришхәндчини ҹәзаландырсан, ҹаһил ағылланар,Ағыллы адама баша саланда елм газанар*.+ 12  Һагг Саһиби шәр адамын евини мүшаһидә едәр,Шәри јыхыб мәһв едәр.+ 13  Ким гулағыны фәгирин фәрјадына тыхајарса,Өзү имдад диләјәндә һај верән олмаз.+ 14  Ҝизли һәдијјә һирси сојудар,+Голтуг алтындакы рүшвәт ҝүҹлү гәзәби јатырар. 15  Салеһ үчүн һагг иш ҝөрмәк севинҹдир,+Бәдәмәл үчүнсә дәһшәтдир. 16  Камал јолундан сапанӨлүм дустагларынын арасында ујујар.+ 17  Ејш-ишрәти севән мүфлисләшәр,+Меј вә јағ һәриси варланмаз. 18  Шәр адам салеһ үчүн,Хаин дә әмәлисалеһ үчүн фидјә олар.+ 19  Давакар, аҹыглы арвадла јашамагданса,Чөл-бијабанда јашамаг јахшыдыр.+ 20  Ағыллынын евиндән долу хәзинә, јағ әскик олмаз,+Ахмаг исә вар-јохуну һаваја совурар.+ 21  Салеһлијә, лүтфкарлыға ҹан атанҺәјата, салеһлијә, һөрмәтә јетишәр.+ 22  Мүдрик адам дырмашыб иҝидләрин шәһәринә ҝирәр,Ҝүвәндикләри ҝүҹү тар-мар едәр.+ 23  Дилинә-ағзына јијә дуранБашыны бәладан сахлар.+ 24  Сајмазјана, тәкәббүрлә һәрәкәт едән инсанМәғрур, һарынламыш ловға адланар.+ 25  Тәнбәлин истәји ону өлүмә апарар,Чүнки әлләри зәһмәт чәкмәк истәмәз.+ 26  О, бүтүн ҝүнү һәрисликлә арзулар,Амма салеһ әсирҝәмәдән бөлүшәр.+ 27  Шәр адамын ҝәтирдији гурбан ијрәнҹдир,+ Пис нијјәтлә ҝәтирәрсә, лап бетәрдир. 28  Јаланчы шаһид мәһв олар,+Динләмәји баҹаранын шәһадәти уғурлу олар. 29  Шәр адам сир-сифәтини зәһмли тутар,+Дүз адам јолунда мөһкәм дурар.+ 30  Јеһоваја зидд һикмәт, бәсирәт, мәсләһәт јохдур.+ 31  Аты дөјүш ҝүнү үчүн һазырлајарлар,+Хилас исә Јеһовадан ҝәләр.+

Һашијәләр

Диҝәр вариант: Өлүм ахтаранлар үчүн дағылан думана бәнзәр.
Јахуд зәһләтөкән.
Јахуд ишини биләр.