Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 13:1—25

МҮНДӘРИҸАТ

  • Мәсләһәт ахтаран һикмәтлидир (10)

  • Узун интизар үрәји хәстә салыр (12)

  • Етибарлы елчи сәфа ҝәтирир (17)

  • Һикмәтли илә отуруб-дуран (20)

  • Тәрбијә севҝинин ифадәсидир (24)

13  Ағыллы оғул ата нәсиһәтинә гулаг асар,+Ришхәндчи исә мәзәммәти гулагардына вурар.+   Дили хејир данышан хејир тапар,+Хаинин исә көнлүндән зоракылыг кечәр.   Дилини сахлајан ҹаныны горујар,+Бошбоғаз исә мәһв олар.+   Тәнбәлин үрәјиндән чох шеј кечәр, анҹаг һеч нәји олмаз.+Чалышган исә боллуға јетишәр.+   Салеһ адам јалана нифрәт едәр,+Шәр адамын әмәлләри рәзаләт вә рүсвајчылыг ҝәтирәр.   Камиллик јолу илә ҝедәнләри салеһлик горујар,+Ҝүнаһкары пислик јыхар.   Адам вар өзүнү варлы ҝөстәрир, амма һеч нәји јохдур,+Адам да вар, өзүнү јохсул ҝөстәрир, амма вары башындан ашыр.   Сәрвәт саһибинин һәјаты үчүн фидјәдир,+Касыб исә һәдә-горху белә, ешитмәз.+   Салеһ адамын нуру пар-пар парлајар,+Шәр адамын исә чырағы сөнәр.+ 10  Тәкәббүр мүнагишә јарадар,+Мәсләһәт ахтаран исә һикмәтлидир.+ 11  Тез топланан сәрвәт дағылар,+Дамла-дамла топланан сәрвәт исә артар. 12  Узун интизар үрәји хәстә салар,+Чин олан арзу исә һәјат ағаҹыдыр.+ 13  Нәсиһәтә хор бахан ҹәза чәкәр,+Әмрә һөрмәт едәнин мүкафаты вар.+ 14  Һикмәтлинин тәлими һәјат чешмәсидир,+Инсаны өлүм тәләсиндән узаглашдырар. 15  Дәрин анлајыш лүтф газандырар,Хаинин исә јолу кәлә-көтүр олар. 16  Узагҝөрән камалла отуруб-дурар,+Ахмаг исә сәфеһлијини нүмајиш етдирәр.+ 17  Пис гасид бәлаја дүшәр,+Етибарлы елчи исә сәфа ҝәтирәр.+ 18  Тәрбијәни веҹә алмајан мүфлисләшәр, һөрмәтдән дүшәр,Мәзәммәт ҝөтүрән һөрмәтә минәр.+ 19  Чин олан арзу ширин олар,+Шәрдән әл чәкмәк сәфеһдә икраһ доғурар.+ 20  Һикмәтли илә отуруб-дуран һикмәтли олар,+Ахмагларла ајаглашан бәдбәхт олар.+ 21  Бәла ҝүнаһкары гарабагара изләр,+Салеһ адамын мүкафаты фираванлыг олар.+ 22  Јахшы адам нәвәләринә мирас гојар,Ҝүнаһкар исә сәрвәтини салеһ үчүн топлајар.+ 23  Касыбын әкини бол мәһсул верәр,Амма әдаләт олмајан јердә бада ҝедәр*. 24  Оғлундан көтәји әсирҝәјән она нифрәт едир,+Оғлуну севән онун тәрбијәси илә ҹидди* мәшғул олар.+ 25  Салеһ адам јејиб дојар,+Амма шәр адамын гарны аҹ галар.+

Һашијәләр

Јахуд о бада ҝедәр.
Диҝәр вариант: дәрһал.