Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 12:1—28

МҮНДӘРИҸАТ

  • Мәзәммәтә нифрәт едән ағылсыздыр (1)

  • Дүшүнүлмәмиш сөз — гылынҹ зәрбәси (18)

  • Сүлһпәрвәрин үрәји шад олар (20)

  • Јеһова јалан дилдән икраһ едир (22)

  • Ниҝаранчылыг үрәји сыхыр (25)

12  Тәрбијәни севән билији севәр,+Мәзәммәтә нифрәт едән ағылсыздыр!+   Јеһова јахшы адамдан разы галар,Фитнәкары исә мәһкум едәр.+   Инсан шәрлә бәргәрар олмаз,+Салеһин исә көкү гопарылмаз.   Јахшы арвад әринин башына таҹдыр,+Адбатыран арвад исә әринин сүмүкләрини чүрүдәр.+   Салеһин дүшүнҹәләри һагдыр,Шәрин мәсләһәти исә мәкрлидир.   Шәрин сөзләри өлүм пусгусудур,+Дүз адамын дили исә гуртулушдур.+   Писләр девриләндә јох олар,Салеһләрин еви исә мөһкәм дурар.+   Ағылла данышан тәриф газанар,+Гәлби әјријә исә һәгарәт едиләр.+   Гул саһиби олан адсыз-сансыз адамЈемәјә чөрәк тапмајан ловғадан јахшыдыр.+ 10  Салеһ адам һејванларынын да гајғысына галар,+Шәр адамын мәрһәмәтиндә белә, залымлыг вар. 11  Торпағыны әкиб-беҹәрән дојунҹа чөрәк јејәр,+Ағылсыз исә бош шејләрин далынҹа дүшәр. 12  Пис писин шикарына гибтә едәр,Салеһин көкү исә бәһрә верәр. 13  Шәр адамы зәһәрли дили тора салар,+Салеһ исә дардан гуртулар. 14  Дили хејир данышан хејир тапар,+О, зәһмәтинин мүкафатыны алар. 15  Ахмағын јолу өз ҝөзүндә дүз ҝөрүнүр,+Ағыллы адам исә мәсләһәти ешидәр.+ 16  Сәфеһ һирсини дәрһал бүрузә верәр,+Узагҝөрән исә тәһгирин үстүндән кечәр. 17  Доғру шаһид һәгигәти сөјләр,Јаланчы шаһид исә јалан данышар. 18  Дүшүнмәдән дејилән сөз гылынҹ зәрбәсинә бәнзәр,Һикмәтли инсанын дили исә мәлһәмдир.+ 19  Дүз сөз әбәди јашар,+Јаланын өмрү исә бир ан олар.+ 20  Фитнә гуранын үрәјиндә мәкр вар,Сүлһпәрвәрин исә үрәји шад олар.+ 21  Салеһә һеч бир хәтәр дәјмәз,+Шәр адамларын исә башы бәладан гуртулмаз.+ 22  Јеһова јалан данышан дилдән икраһ едир,+Һагг иш саһиби исә Онун үрәјинҹәдир. 23  Узагҝөрән билдијини ачыб төкмәз,Ахмағын исә үрәји сәфеһлијини үзә верәр.+ 24  Чалышган ағалыг едәр,+Тәнбәл исә нөкәрчилик.+ 25  Ниҝаранчылыг үрәји сыхар,+Хош сөз көнлү шад едәр.+ 26  Салеһ адам отлагларыны јохлајар,Амма шәрин јолу ону аздырар. 27  Тәнбәл овуну изләмәз,+Чалышганлыг исә бөјүк сәрвәтдир. 28  Салеһлик јолу һәјата апарыр,+Бу јолда өлүм јохдур.

Һашијәләр