Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Микә 1:1—16

МҮНДӘРИҸАТ

  • Сәмәријјә илә Јәһудаја һөкм (1—16)

    • Һөкм гијам вә ҝүнаһа ҝөрәдир (5)

1  Јәһуда падшаһлары+ Јутәм+, Әһәз+ вә Һизгијјәнин+ дөврүндә мүһрәстли Микәјә*+ Јеһованын сөзү, Сәмәријјә вә Јерусәлим барәдә вәһј назил олду:   «Ешидин, еј халглар! Еј дүнја вә онун ичиндәкиләр, динләјин!Гој Јеһова, Күлли-Ихтијар ЈеһоваӨз мүгәддәс мәбәдиндән сизи иттиһам етсин.+   Будур, Јеһова Өз мәканындан чыхыр,О енәҹәк вә јерин зирвәләрини әзиб кечәҹәк.   Дағлар ајаглары алтында әријәҹәк,+Дәрәләр јарылаҹаг,Мум алов гаршысында әријән кими,Ҝур сулар јарған ачан кими.   Бүтүн бунлар Јагубун гијамы,Исраил евинин ҝүнаһлары уҹбатындандыр.+ Јагубун гијамына ҝөрә кимдир мүгәссир? Сәмәријјә дејилми?+ Јәһуданын сәҹдәҝаһларына*+ ҝөрә кимдир мүгәссир? Јерусәлим дејилми?   Мән Сәмәријјәни харабазара,Мејнә әкмәк үчүн бир саһәјә чевирәҹәјәм.Дашларыны дәрәјә төкәҹәјәм,Бүнөврәсини чылпаг гојаҹағам.   Бүтүн ојма бүтләри парча-парча олаҹаг,+Она музд олараг верилмиш һәдијјәләр одда јанаҹаг.+ Онун бүтүн бүтләрини мәһв едәҹәјәм. Бунлар фаһишәликлә јығылмышды,Фаһишәләр үчүн дә хәрҹләнәҹәк».   Буна ҝөрә мән ағлајыб фәрјад едәҹәјәм,+Ајагјалын вә чылпаг ҝәзәҹәјәм.+ Чаггал кими улајаҹағам,Дәвәгушу кими фәған гопараҹағам.   Чүнки онун јаралары сағалмаздыр.+Бәла Јәһудајадәк,+ Халгымын дарвазаларынадәк, Јерусәлимәдәк ҝәлиб чатыб.+ 10  «Бу барәдә Ҹатда сәс салмајын,Орада ағламајын! Бејт-Әфрада тоз-торпағын ичиндә дығырланын. 11  Еј Шафир әһли, чыл-чылпаг, биабырчылыг ичиндә јола дүш. Сәнаан әһли шәһәрдән чыхмыр. Бејт-Әзәл аһ-фәған едәҹәк, сәни сығынаҹагсыз гојаҹаг. 12  Мәрут әһли хејир ҝөзләјирди,Анҹаг Јеһова Јерусәлимин дарвазаларына бәла ҝөндәрди. 13  Еј Лаһиш+ әһли, атлары арабаја гош, Сион гызынын ҝүнаһына баис сән олдун,Исраилин гијамлары сәндәндир.+ 14  Сән Мүһрәст-Ҹата вида һәдијјәләри верәҹәксән. Әхзиб евләри+ Исраил падшаһларынын јанында јаланчы чыхды. 15  Еј Мәраш әһли,+ үстүнә ишғалчы ҝөндәрәҹәјәм.+ Исраилин шөһрәти Әдулламадәк+ чатаҹаг. 16  Әзиз балаларыны әсир апараҹаглар,+ онлардан өтрү сачыны гырх, Башыны даз елә,Башын кәркәс башы кими даз олсун.

Һашијәләр

Микај, јахуд Микајыл адынын гыса формасы. Мәнасы: Јеһоваја тај кимдир?
Һәрфән: јүксәкликләринә.