Ибраниләрә 3:1—19
3 Ҝөјләр дәвәтинә ортаг олан+ мүгәддәс гардашлар, баш каһин вә елчи кими гәбул етдијимиз Иса+ һаггында дүшүнүн.
2 Аллаһын евиндә* садиг олмуш Муса кими,+ Иса да ону бу ишә тәјин едән Аллаһа садиг иди.+
3 О, Мусадан да бөјүк шәрәфә лајиг ҝөрүлдү,+ чүнки бәнна тикдији евдән даһа бөјүк һөрмәтә лајиг ҝөрүлүр.
4 Бәли, һәр евин бир бәннасы вар, һәр шејин бәннасы исә Аллаһдыр.
5 Муса бир хидмәтчи кими Аллаһын евиндә садиг иди вә онун хидмәти ҝәләҹәкдә ашкар едиләҹәк шејләрә шәһадәт едирди.
6 Мәсиһ исә Аллаһын еви үзәриндә бир оғул кими садиг иди.+ Биз Аллаһын евијик,+ бу шәртлә ки, ҹәсарәтимизи вә өјүндүјүмүз үмиди ахырадәк горујуб сахлајаг.
7 Буна ҝөрә дә мүгәддәс руһ васитәсилә дејилиб:+ «Бу ҝүн Мәнә гулаг асын:
8 үрәјинизи инадкар етмәјин, сәһрада сынаг вахты Мәни гәзәбләндирән әҹдадларыныз кими һәрәкәт етмәјин.+
9 Онлар орада Мәни сынады, имтаһана чәкди, һалбуки гырх ил әрзиндә ҝөрдүјүм ишләрин шаһиди олмушдулар.+
10 Бу сәбәбдән үрәјим о нәсилдән икраһ етди вә дедим: “Онларын үрәји елә һеј азыр, онлар јолларымы танымырлар”.
11 Буна ҝөрә гәзәбләниб анд ичдим: “Онлар истираһәтимә говушмајаҹаглар”».+
12 Гардашлар, еһтијатлы олун ки, һеч бириниз вар олан Аллаһдан узаглашмајасыныз вә үрәјиниз корланыб имансыз олмасын.+
13 Нә гәдәр ки «бу ҝүн»+ дејилән вахт давам едир, һәр ҝүн бир-биринизи руһландырын ки, һеч кәсин үрәји ҝүнаһын товлајыҹы гүввәси илә сәртләшмәсин.
14 Башланғыҹда биздә олан гәтијјәти сонадәк горујуб сахладығымыз тәгдирдә, Мәсиһлә ортаг олаҹағыг.+
15 Неҹә ки дејилиб: «Бу ҝүн Мәнә гулаг асын: үрәјинизи инадкар етмәјин, Мәни гәзәбләндирән әҹдадларыныз кими һәрәкәт етмәјин».+
16 Сәсини ешидә-ешидә Ону ким гәзәбләндирирди? Мәҝәр Мусанын рәһбәрлији алтында Мисирдән чыханларын һамысы белә етмирди?+
17 Бундан әлавә, Аллаһ гырх ил әрзиндә кимә гаршы икраһ дујурду?+ Мәҝәр Онун икраһ дујдуғу адамлар ҝүнаһ ишләјиб сәһрада өләнләр дејилди?+
18 Аллаһ кимә анд ичиб демишди ки, Онун истираһәтинә говушмајаҹаг? Мәҝәр итаәтсизлик едәнләрә демәмишди?
19 Ҝөрдүјүмүз кими, онлар имансызлыг уҹбатындан она говуша билмәдиләр.+
Һашијәләр
^ Јәни Аллаһын иҹмасында.
