Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 96:1—13

МҮНДӘРИҸАТ

  • Јеһованын шәнинә јени нәғмә охујун

    • Јеһова һәдсиз тәрифә лајигдир (4)

    • Халгларын аллаһлары һечдир (5)

    • Мүгәддәс либасларда сәҹдә гылын (9)

96  Јеһованын шәнинә јени нәғмә охујун.+ Јеһованын шәнинә нәғмә оху, еј дүнја!+   Јеһованын шәнинә нәғмә дејин, адыны тәрәннүм един, Вердији гуртулушу ҝүнбәҝүн мүждәләјин.+   Халглара шан-шөһрәтини,Бүтүн елләрә харигәләрини бәјан един.+   Јеһова бөјүкдүр, һәдсиз тәрифә лајигдир, Бүтүн аллаһлардан зәһмлидир.   Ахы халгларын аллаһлары һечдир,+Јеһова исә ҝөјләрин јараданыдыр.+   Әзәмәт вә ҹалал һүзурунда,+Гүдрәт вә ҝөзәллик мүгәддәс мәканындадыр.+   Еј халгларын тајфалары, Јеһоваја шәрәф верин!Әзәмәтинә, ҝүҹүнә ҝөрә Јеһоваја шәрәф верин!+   Јеһоваја адына лајиг шәрәф верин!+Бәхшиш ҝәтириб Онун һәјәтләринә ҝәлин.   Мүгәддәс либасларда* Јеһоваја сәҹдә гылын,Онун өнүндә тир-тир әс, еј дүнја! 10  Халглара ҹар чәкин: «Јеһова падшаһ олду!+ Јер мөһкәм гурулуб, әсла сарсылмаз, О, халглары инсафла мүһакимә едәҹәк».+ 11  Гој ҝөјләр севинсин, јер үзү шадлансын,Дәниз вә дәниздә нә варса, ҝурласын.+ 12  Чөл-бијабан, орада нә варса, ҹуша ҝәлсин,+ Мешәдәки ағаҹлар да севинҹ һарајы салсын+ 13  Јеһованын өнүндә, чүнки О ҝәлир,Дүнјаны мүһакимә етмәјә ҝәлир. О, дүнјаны әдаләтлә,+Халглары Өз сәдагәтилә мүһакимә едәҹәк.+

Һашијәләр

Диҝәр вариант: мүгәддәслијинин еһтишамына ҝөрә.