Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 17:1—15

МҮНДӘРИҸАТ

  • Имдад дуасы

    • «Гәлбими арашдырдын» (3)

    • «Ганадларынын көлҝәсиндә» (8)

Давудун дуасы. 17  Еј Јеһова, һагдан өтрү јалварышымы динләИмдад диләјирәм, ешит,Һијләсиз дилимдән чыхан дуаја гулаг вер.+   Мәнә әдаләтли һөкмү Сән Өзүн чыхар,+Гој ҝөзләрин доғрулуғу ҝөрсүн.   Гәлбими арашдырдын, ҝеҹәләр мәни јохладын,+Мәни арытдын*;+Ҝөрәҹәксән ки, фитнә гурмамышам,Дилимдән ҝүнаһ чыхмајыб.   Инсан әмәлинә ҝәлдикдә исә,Сәнин сөзүнә бахыб гарәтчинин јолундан узаг ҝәзирәм.+   Гој Сәнин јолларында аддымлајым ки,Ајагларым бүдрәмәсин.+   Сәни чағырырам, еј Аллаһым, чүнки мәнә һај верәрсән.+ Нә олар, гулағыны мәнә тәрәф әј, дедикләрими ешит.+   Мәһәббәтини харигәләрлә ҝөстәр,+Еј Сәнә гаршы чыханлардан гачыбСағ әлинә сығынанларын хиласкары.   Мәни ҝөз бәбәјин кими гору,+Ганадларынын көлҝәсиндә мәни ҝизләт.+   Мәнә һүҹум едән шәр адамлардан,Мәни дөврәјә алан јағы дүшмәндән мәни һифз ет.+ 10  Онлар габалашыблар*,Ағызларындан гудурғанлыг төкүлүр. 11  Аддымымызы дөврәјә алырлар,+Фүрсәт ахтарырлар, бизи јерә вурсунлар. 12  Һәр бири аслантәк гурбаныны парчаламаға ҹан атыр,Хәлвәтдә пусан ҝәнҹ аслан кими ҝөзләјир. 13  Галх, еј Јеһова, онларла үз-үзә дур,+ гәддләрини әј,Гылынҹыны сыјыр, ҹанымы писләрдән гуртар. 14  Еј Јеһова, Өз әлинлә гуртар мәни,Бу дүнјанын адамларындан, бу һәјатдан пај алан,+Гарынларыны наз-немәтлә долдурдуғун адамлардан,+Чохсајлы өвладларына мирас гојан адамлардан. 15  Мән исә салеһлијимлә үзүнү ҝөрәрәм;Һүзурунда ојанаркән шад олурам.+

Һашијәләр

Ибрани дилиндә бурада ишләнән сөз металын әридилиб тәмизләнмәсини билдирир.
Јахуд пијләнибләр.