Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 145:1—21

МҮНДӘРИҸАТ

  • Бөјүк падшаһ олан Аллаһын шәнинә тәрифләр

    • Аллаһын бөјүклүјүнү бәјан едәрәм (6)

    • Јеһова һамыја гаршы кәрамәтлидир (9)

    • Садиг бәндәләрин Сәни мәдһ едәр (10)

    • Аллаһын әбәди падшаһлығы (13)

    • Аллаһ һамыны истәјинә чатдырыр (16)

Давудун мәзмуру. Мәдһијјә. א [Алеф]* 145  Сәни уҹалдарам, еј Аллаһым, Падшаһым,+Әбәдијјән адына алгыш едәрәм!+ ב [Бет]   Ҝеҹә-ҝүндүз Сәни мәдһ едәрәм,+Әбәдијјән адына алгыш едәрәм!+ ג [Гимел]   Јеһова бөјүкдүр, ән ҝөзәл тәрифләрә лајигдир,+Бөјүклүјү ағласығмаздыр.+ ד [Далет]   Нәсилдән-нәслә әмәлләрин тәриф едиләр,Гүдрәтли ишләрин бәјан едиләр.+ ה [Һе]   Еһтишамындан, әзәмәтиндән данышырлар.+Мән дә харигәли ишләрин үзәриндә дүшүнәрәм. ו [Вав]   Һејрәтли ишләриндән* данышырлар,Мән дә бөјүклүјүнү бәјан едәрәм. ז [Зајн]   Бол кәрамәтиндән данышанда сөзләри гуртармаз,+Әдаләтиндән өтрү севинҹләри ашыб-дашар.+ ח [Хет]   Јеһова шәфгәтлидир, мәрһәмәтлидир,+Чох сәбирлидир, мәһәббәти бөјүкдүр.+ ט [Тет]   Јеһова һамыја гаршы кәрамәтлидир,+Бүтүн ишләриндә мәрһәмәти ҝөрүнүр. י [Јуд] 10  Бүтүн ишләрин Сәни уҹалдар, еј Јеһова,+Садиг бәндәләрин Сәни мәдһ едәр.+ כ [Каф] 11  Падшаһлығынын ҹалалындан данышар,+Гүдрәтин һаггында сөз ачарлар,+ ל [Ламед] 12  Инсанлара гүдрәтли ишләрини,+Падшаһлығынын ҹаһ-ҹалалыны танытмаг үчүн.+ מ [Мем] 13  Падшаһлығын әбәди падшаһлыгдыр,Һакимијјәтин нәсилдән-нәслә давам едәр.+ ס [Самех] 14  Јеһова јыхыланлара дајаг олур,+Гәдди әјиләнләри ајаға галдырыр.+ ע [Ајн] 15  Һамысы үмидлә Сәнә бахыр,Рузиләрини вахтында верирсән.+ פ [Пе] 16  Әлини ачырсан,Һәр бир мәхлугу истәјинә чатдырырсан.+ צ [Тсаде] 17  Јеһова бүтүн јолларында әдаләтлидир,+Һәр ишиндә сәдагәтлидир.+ ק [Коф] 18  Јеһова Ону чағыранлара,Ону сәмими-гәлбдән* чағыранлара јахындыр.+ ר [Рејш] 19  Ондан горханлары мурадына чатдырар,+Фәрјадларыны ешидәр, онлары гуртарар.+ ש [Шин] 20  Јеһова Ону севән һәр кәси һифз едир,+Лакин писләрин һамысыны јох едәр.+ ת [Тав] 21  Дилим Јеһованы мәдһ едәр.+Гој бүтүн мәхлугат әбәдијјән Онун мүгәддәс адына алгыш десин!+

Һашијәләр

Ибрани әлифбасынын илк һәрфидир. Бу мәзмур орижинал мәтндә әлифба сырасы илә јазылмышдыр.
Јахуд ҝүҹүндән.
Јахуд һәгигәтдә.