Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 103:1—22

МҮНДӘРИҸАТ

  • Јеһоваја алгыш ет, еј варлығым

    • Аллаһ ҝүнаһларымызы биздән узаглашдырыр (12)

    • Аллаһ ата кими рәһмлидир (13)

    • Аллаһ торпаг олдуғумузу унутмур (14)

    • Јеһованын тахты вә һөкмранлығы (19)

    • Мәләкләр Аллаһын сөзүнә әмәл едирләр (20)

Давудун мәзмуру. 103  Јеһоваја алгыш ет, еј варлығым,Еј вүҹудум, Онун мүгәддәс адына алгыш ет!   Јеһоваја алгыш ет, еј варлығым,Онун јахшылыгларыны унутма.+   Одур ҝүнаһларыны бағышлајан,+Дәрдләринә шәфа верән,+   Одур сәнин һәјатыны гәбирдән гуртаран,+Башына мәһәббәт, мәрһәмәт таҹы гојан.+   О, сәни өмрүн боју јахшы немәтләрлә дојурур,+Сән дә гартал кими тәзәләнирсән, ҹаванлашырсан.+   Јеһова бүтүн мәзлумлараҺагг вә әдаләт ҝөстәрир.+   О, јолуну Мусаја,Ишләрини Исраил оғулларына әјан етди.+   Јеһова мәрһәмәт, шәфгәт саһибидир,+Сәбирлидир, мәһәббәти* болдур.+   Даим нөгсан ахтармаз,+Әбәдијјән аҹыглы галмаз.+ 10  Бизимлә ҝүнаһларымыза ҝөрә рәфтар етмир,+Тәгсирләримизә ҝөрә пајымыза дүшән ҹәзаны вермир.+ 11  Чүнки ҝөјләр јердән нә гәдәр уҹадырса,Мәһәббәти дә Ондан горханлара о гәдәр бөјүкдүр.+ 12  Шәрг гәрбдән нә гәдәр узагдырса,Ҝүнаһларымызы биздән о гәдәр узаглашдырды.+ 13  Ата өвладларына неҹә рәһм едирсә,Јеһова Ондан горханлара елә рәһм едир.+ 14  Чүнки неҹә јарандығымызы јахшы билир,+Торпаг олдуғумузу унутмур.+ 15  Фани инсанын өмрү от өмрү кими гысадыр,+Чәмән ҝүлләри кими чичәк ачар,+ 16  Үстүндән јел әсән кими јох олар,Елә бил, һеч вахт о јердә битмәјиб. 17  Јеһованын мәһәббәти исә әбәдијјәнОндан горханларладыр.+Әдаләтини онларын нәвәләринә,+ 18  Әһдинә бағлы галанлара,+Әмрләрини унутмајыб әмәл едәнләрә ҝөстәрир. 19  Јеһова тахтыны ҝөјләрдә бәргәрар едиб,+О, һәр шејин үзәриндә һөкмранлыг едир.+ 20  Јеһоваја алгыш един, еј Онун мәләкләри,+ еј гүдрәтлиләр,Еј Онун сөзүнү ешидиб әмәл едәнләр!+ 21  Јеһоваја алгыш един, еј Онун бүтүн ордулары,+Еј Онун ирадәсинә хидмәт едәнләр!+ 22  Јеһоваја алгыш ет, еј хилгәт,Онун һөкмранлыг етдији һәр јердә! Јеһоваја алгыш ет, еј варлығым!

Һашијәләр