Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 102:1—28

МҮНДӘРИҸАТ

  • Бичарә мәзлумун дуасы

    • Тәнһа гуш кимијәм (7)

    • Өмрүм көлҝә кими гејб олур (11)

    • Јеһова Сиону бәрпа едәҹәк (16)

    • Јеһова һәмишә вар олаҹаг (26, 27)

Бичарә бир мәзлум дуада үрәјини Јеһоваја бошалдыр.+ 102  Еј Јеһова, дуамы ешит,+Гој фәрјадым Сәнә чатсын.+   Бу дар ҝүнүмдә үзүнү мәндән ҝизләтмә,+ Нә олар, гулағыны мәнә сары әј,Сәни чағыранда мәнә тез һај вер.+   Ҝүнләрим түстүтәк јох олуб ҝедир,Сүмүкләрим соба кими көзәриб.+   Үрәјим бичилмиш от кими гурујуб,+Иштаһам тамам күсүб.   Аһ-зар етмәкдән+Дәрим сүмүјүмә јапышыб.+   Чөллүкдәки гутана бәнзәјирәм,Виранәлик бајгушу кимијәм.   Ҝөзүмә јуху ҝетмир*,Дамда отуран тәнһа гуш кимијәм.+   Дүшмәнләрим бүтүн ҝүнү мәнә лағ едир,+ Мәни әлә саланлар адымы гарғыша чевирибләр.   Чөрәк јеринә күл јејирәм,+Ҝөз јашларым ичәҹәјимә гарышыб,+ 10  Сәнин гәзәбиндән, һиддәтиндән.Чүнки мәни галдырдын, сонра кәнара атдын. 11  Өмрүм көлҝә кими гејб олур,+От кими гурујурам.+ 12  Сән исә, еј Јеһова, әбәди вар олаҹагсан,+Шан-шөһрәтин* нәсилбәнәсил галаҹаг.+ 13  Сән һөкмән галхыб Сиона мәрһәмәт ҝөстәрәҹәксән.+Инди она лүтф ҝөстәрмәк вахтыдыр,+Ахы вәдә јетишиб.+ 14  Гулларын онун дашларыны әзиз тутур,+Меһрләрини тоз-торпағына+ бағлајыблар. 15  Халглар Јеһованын адындан,Дүнја падшаһлары ҹалалындан горхаҹаг.+ 16  Јеһова Сиону бәрпа едәҹәк,+Ҹалалында заһир олаҹаг.+ 17  Јохсулларын дуасыны динләјәҹәк,+Онларын дуасыны рәдд етмәјәҹәк.+ 18  Бунлар ҝәләҹәк нәсил үчүн јазылыб ки,+Мејдана ҝәләҹәк бир халг Јаһа алгыш етсин. 19  Јеһова уҹалардакы мүгәддәс мәканындан бахыр,+Ҝөјләрдән јери сејр едир ки, 20  Мәһбусларын наләсини ешитсин,+Өлүмә мәһкумлары азад етсин.+ 21  Беләҹә, Јеһованын ады Сионда бәјан едилсин,+Јерусәлимдә шәнинә тәрифләр уҹалсын, 22  Јеһоваја гуллуг етмәк үчүнХалглар, сәлтәнәтләр бир јердә топлашанда.+ 23  О, јары јолда ҝүҹүмү алды,Өмрүмү гысалтды. 24  Дедим: «Еј Аллаһым,Еј әбәди вар олан,+Өмрүмү јарыда кәсмә. 25  Јерин бүнөврәсини гәдимдә Сән гојмусан,Ҝөјләр дә әлинин ишидир.+ 26  Онлар јох олуб ҝедәр, Сән исә һәмишә вар олаҹагсан,Һамысы палтар кими көһнәләр. Онлары либастәк дәјишәрсән, өмүрләри баша чатар. 27  Амма Сән дәјишмәз галырсан, илләрин түкәнмәздир.+ 28  Бәндәләринин өвладлары әмин-аманлыгда јашајаҹаг,Нәсилләри Сәнин өнүндә мөһкәм дураҹаг».+

Һашијәләр

Диҝәр вариант: әлдән дүшмүшәм.
Јахуд адын.