Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 3:1—22

МҮНДӘРИҸАТ

  • Сарда (1—6), Филаделфијаја (7—13), Лаодикијаја мүраҹиәт (14—22)

3  Сарддакы јығынҹағын мәләјинә јаз: “Аллаһын једди руһуна+ вә једди улдуза малик олан+ белә дејир: “Сәнин ишләриндән хәбәрдарам. Адын вар ки, сағсан, әслиндә өлүсән.+  Ојаг ол+ вә өлмәк үзрә олан сағ галмыш нәјин варса, гүввәтләндир. Чүнки сәнин ишләрин Аллаһымын гаршысында һәлә тамамланмајыб.  Буна ҝөрә дә алдыгларыны вә ешитдикләрини јадында сахла, онлары гору вә төвбә ет.+ Әҝәр ојанмасан, мән оғру кими ҝәләҹәјәм+ вә нә вахт башынын үстүнү алаҹағымы билмәјәҹәксән.+  Бунунла белә, Сардда палтарыны ләкәләмәмиш бир нечә адам вар.+ Онлар мәнимлә бирликдә ағ либасда ҝәзәҹәкләр,+ чүнки буна лајигдирләр.  Бәли, галиб ҝәләнә+ ағ либас ҝејиндириләҹәк+ вә мән онун адыны һәјат китабындан әсла силмәјәҹәјәм,+ әксинә, ону Атамын вә мәләкләринин гаршысында анаҹағам.+  Гулағы олан гој руһун јығынҹаглара нә дедијини ешитсин”.  Филаделфијадакы јығынҹағын мәләјинә јаз: “Мүгәддәс олан,+ һәгиги олан,+ Давудун ачарына малик олан,+ ачдығы бағланмајан вә бағладығы ачылмајан белә дејир:  “Сәнин ишләриндән хәбәрдарам (сәнин үчүн гапы ачмышам,+ бу гапыны һеч ким бағлаја билмәз), билирәм ки, ҝүҹүн аз олса да, сән мәним сөзүмә әмәл етдин вә адымы данмадын.  Шејтанын синагогундан олуб өзләрини јаландан јәһуди адландыранлары+ ҝәтирәҹәјәм вә ајагларына јыхыб сәнә тәзим етдирәҹәјәм. Онда онлар сәни севдијими биләҹәкләр. 10  Дөзүмүм+ һаггындакы сөзә әмәл етдијин үчүн* јер үзүндә јашајанлары сынамагдан өтрү дүнјанын үзәринә ҝәләҹәк имтаһан саатындан сәни горујаҹағам.+ 11  Мән тезликлә ҝәләҹәјәм.+ Нәјин варса, бәрк сахла ки, һеч кәс таҹыны әлиндән алмасын.+ 12  Галиб ҝәләни Аллаһымын мәбәдиндә сүтун едәҹәјәм вә о, һеч вахт орадан чыхмајаҹаг. Мән онун үзәринә Аллаһымын адыны+ вә Аллаһымын шәһәринин — ҝөјләрдән, Аллаһымын јанындан енән Јени Јерусәлимин+ адыны вә өзүмүн тәзә адымы јазаҹағам.+ 13  Гулағы олан гој руһун јығынҹаглара нә дедијини ешитсин”. 14  Лаодикијадакы+ јығынҹағын мәләјинә јаз: “Аллаһын хилгәтинин илки,+ садиг вә һәгиги+ шаһид+ Амин+ белә дејир: 15  “Сәнин ишләриндән хәбәрдарам. Сән нә сојугсан, нә дә исти. Каш ки ја сојуг, ја да исти олајдын. 16  Мадам ки нә истисән,+ нә дә сојуг,+ елә-белә илыгсан, сәни јерә түпүрәҹәјәм. 17  Чүнки сән: “Мән варлыјам,+ варланмышам, һеч нәјә еһтијаҹым јохдур”, — дејирсән, амма билмирсән ки, бәдбәхтсән, аҹынаҹаглы ҝүндәсән, јохсул, кор вә чылпагсан. 18  Сәнә мәсләһәт ҝөрүрәм ки, варланмаг үчүн мәндән одда сафланмыш гызыл аласан, һәмчинин ағ либас алыб ҝејәсән ки, биабырчы чылпаглығын өртүлсүн+ вә мәлһәм алыб ҝөзләринә сүртәсән+ ки, ҝөзләрин ачылсын.+ 19  Мәнә әзиз олан адамлары мән мәзәммәт вә тәрбијә едирәм.+ Она ҝөрә дә гејрәтли ол вә төвбә ет.+ 20  Кандарда дуруб гапыны дөјүрәм. Ким сәсими ешидиб гапыны үзүмә ачса, мән о евә ҝириб онунла бирҝә шам едәҹәјәм. 21  Галиб ҝәләни+ өзүмлә бир тахтда әјләшдирәҹәјәм,+ неҹә ки мән дә галиб ҝәлиб Атамла бирликдә Онун тахтында әјләшдим.+ 22  Гулағы олан гој руһун јығынҹаглара нә дедијини ешитсин”».

Һашијәләр

Диҝәр вариант: дөзүм нүмунәми изләдијин үчүн.