Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Амус 4:1—13

МҮНДӘРИҸАТ

  • Башан инәкләринә гаршы хәбәр (1—3)

  • Јеһова Исраилин батил ибадәтинә ришхәнд едир (4, 5)

  • Исраил Аллаһын тәрбијәсини гәбул етмир (6—13)

    • Аллаһыны гаршыламаға һазыр ол (12)

    • Аллаһ дүшүнҹәләрини инсана ачыр (13)

4  Ешидин бу сөзү,Еј Сәмәријјә дағындакы+ Башан инәкләри,Еј мәзлума фырылдаг ҝәлән,+ јохсулу әзән,Еј әрләринә: “Ички ҝәтир, ичәк!” — дејән гадынлар.   Күлли-Ихтијар Јеһова мүгәддәслијинә анд ичди:“Елә ҝүнләр ҝәлир ки, сиз әт гармағы илә,Галанларыныз исә балыгчы гармағы илә галдырылаҹагсыныз.   Сиз дивардакы дәлмә-дешикдән далбадал чыхаҹаг,Һармона атылаҹагсыныз”, — Јеһова бәјан едир.   “Бејтелә ҝәлиб асилик един,+Ҝилгала ҝәлиб асилијинизи артырын!+ Сәһәр гурбан ҝәтирин,+Үчүнҹү ҝүн ондабирләри верин.+   Мајалы чөрәкдән шүкран гурбаны+ јандырын,Көнүллү тәгдимәләриниз барәдә аләмә ҹар чәкин! Сиз ки буну севирсиниз, еј Исраил халгы”, — Күлли-Ихтијар Јеһова бәјан едир.   “Мән бүтүн шәһәрләриниздә сизә аҹлыг вердим,Евләринизә чөрәк гытлығы вердим.+Јенә дә Мәнә тәрәф дөнмәдиниз”,+ — Јеһова бәјан едир.   “Бичиндән үч ај габаг јағышынызы кәсдим,+Бир шәһәрә јағыш јағдырдым, о биринә јағдырмадым. Бир тарла јағыш ҝөрдү,О бириси јағыш олмадығындан гуруду.   Ики-үч шәһәрин ҹамааты су ичмәк+ үчүн бир шәһәрә ҝетди,Амма дојунҹа су ичмәди.Сиз јенә дә Мәнә тәрәф дөнмәдиниз”+ — Јеһова бәјан едир.   “Мәһсулунузу гызмар исти илә, кифлә тәләф етдим.+ Сиз бағ вә үзүмлүкләринизи чохалтдыныз,Амма әнҹир, зејтун ағаҹларынызы чәјирткә једи.+Јенә дә Мәнә тәрәф дөнмәдиниз”,+ — Јеһова бәјан едир. 10  “Мән үзәринизә Мисирдәкинә бәнзәр азар ҝөндәрдим.+ Ҹаванларынызы гылынҹдан кечиртдим,+ атларынызы апардым.+ Дүшәрҝәниздән галхан үфунәт бурнунузу дешди.+Јенә дә Мәнә тәрәф дөнмәдиниз”, — Јеһова бәјан едир. 11  “Мән торпағынызыСәдум вә Әмурәни дағытдығым кими дағытдым.+ Оҹагдан чыхарылмыш одун парчасы кими олдунуз,Јенә дә Мәнә тәрәф дөнмәдиниз”,+ — Јеһова бәјан едир. 12  Буна ҝөрә, еј Исраил, сәнинлә белә рәфтар едәҹәјәм. Еј Исраил, бунлары ки башына ҝәтирәҹәјәм,Аллаһыны гаршыламаға һазыр ол. 13  Бах! Дағлара гурулуш верән,+ күләји јарадан Одур.+Дүшүнҹәләрини инсана ачан,Сүбһ шәфәгини гаранлыға чевирән,+Дүнјанын зирвәләри үзәриндә јеријән Одур.+Ордулар Аллаһы Јеһовадыр Онун ады.

Һашијәләр