Амус 3:1—15
3 Еј Исраил халгы, Јеһованын сизин һаггынызда, Мисирдән чыхардығы үммәт һаггында дедији сөзләри ешидин:
2 “Дүнјанын бүтүн халглары арасында тәкҹә сәни таныдым.+
Буна ҝөрә бүтүн ҝүнаһларынын әвәзини верәҹәјәм.+
3 Ики нәфәр разылашыб ҝөрүшмәсә, неҹә бирҝә јол ҝедәр?
4 Һеч шикары олмајан аслан мешәдә нәрә чәкәр?
Шикар тапмајан ҝәнҹ аслан јувасында нәрилдәјәр?
5 Тор јерә сәрилмәсә*, ора гуш дүшәр?
Тәләјә һеч нә дүшмәсә о, јериндән атылар?
6 Шәһәрдә шејпур чалынырса, мәҝәр халг титрәмир?
Шәһәрдә фәлакәт баш верирсә, мәҝәр бу, Јеһовадан дејил?
7 Күлли-Ихтијар ЈеһоваГулу пејғәмбәрләрә сиррини ачмамыш һеч нә етмәз.+
8 Аслан нәрә чәкди!+ Ким горхмаз?
Күлли-Ихтијар Јеһова данышды! Ким пејғәмбәрлик етмәз?”+
9 “Ашдодун галаларында,Мисир дијарынын галаларында ҹар чәкиб дејин:
“Сәмәријјә дағларына гаршы топлашын.+Шәһәрин ичиндәки гармагарышыглыға,Фырылдагчылыға бахын!+
10 Дүрүстлүк нәдир билмирләр,Галаларыны зоракылыгла, виранәликлә долдурурлар”, — дејә бәјан едир Јеһова.
11 Буна ҝөрә Күлли-Ихтијар Јеһова дејир:“Дүшмән өлкәни мүһасирәјә алаҹаг,+Сәни тагәтдән салыбГалаларыны гарәт едәҹәк”.+
12 Јеһова бәјан едир:“Чобан асланын ағзындан ики ајағы вә гулағын бир тикәсини чәкиб алдығы кими,Сәмәријјәдә бәр-бәзәкли тахтларда,Ҝөзәл диванларда јајханан Исраил халгы да дүшмән әлиндән бу ҹүр алынаҹаг”.+
13 Ордулар Аллаһы, Күлли-Ихтијар Јеһова бәјан едир: “Ешидин вә Јагуб евини хәбәрдар един.
14 Асилијинә* ҝөрә Исраиллә һагг-һесаб чәкәҹәјим ҝүн+Бејтелдәки гурбанҝаһлара+ ҝөрә дә һагг-һесаб сораҹағам;Гурбанҝаһын бујнузлары кәсилиб јерә дүшәҹәк.+
15 Мән гыш евини дә, јај евини дә дағыдаҹағам”.
“Ширмајы евләр јыхылаҹаг,+Имарәтләр* виран галаҹаг”,+ — бәјан едир Јеһова.
