Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Јунус 3:1—10

МҮНДӘРИҸАТ

  • Јунус Нејнәваја јолланыр (1—4)

  • Нејнәва әһли төвбә едир (5—9)

  • Аллаһ Нејнәваны дағытмыр (10)

3  Јеһованын сөзү икинҹи дәфә Јунуса назил олду+:  «Дур, Нејнәваја+, о бөјүк шәһәрә ҝет. Сәнә дејәҹәјим сөзләри ҹар чәкиб онлара сөјлә».  Јунус Јеһоваја итаәт етди+ вә дуруб Нејнәваја+ ҝетди. Нејнәва шәһәри Аллаһын ҝөзүндә бөјүк бир шәһәр иди, ону үч ҝүнә долашмаг оларды.  Јунус шәһәрә ҝирди. О: «Ҹәми-ҹүмләтаны гырх ҝүндән сонра Нејнәва дағылаҹаг!» — дејә ҹар чәкә-чәкә бир ҝүнлүк јол ҝетди.  Нејнәва әһли Аллаһа иман ҝәтирди.+ Онлар оруҹ елан етдиләр вә бөјүкдән кичијә гәдәр һамы чул ҝејинди.  Бу сөз Нејнәва падшаһына чатанда о, тахтындан дуруб падшаһ либасыны әјниндән чыхартды вә чула бүрүнүб күлүн ичиндә отурду.  Һәмчинин о бујурду ки, Нејнәвада ҹар чәкилсин:«Падшаһын вә әјанларынын фәрманы: “Нә бир инсан, нә бир һејван, нә мал-гара, нә дә гојун-кечи ағзына һеч нә алмасын. Онлар һеч нә јемәсин, су да ичмәсин.  Инсан да, һејван да чула бүрүнсүн. Гој һәр кәс Аллаһа јалвар-јахар етсин, пис јолундан дөнсүн, зоракылыгдан әл чәксин.  Ким билир, бәлкә, Аллаһ фикриндән дөндү, гәзәбини ҝери гајтарды ки, биз мәһв олмајаг?!”» 10  Аллаһ онларын бу һәрәкәтини, пис јолдан әл чәкдијини ҝөрәндә+ фикриндән дашынды вә дедији бәланы онларын башына ҝәтирмәди.+

Һашијәләр