Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Хошбәхтлик ҝәтирән һәгиги иман

 Бөлмә 1

Аллаһ бизим гајғымыза галырмы?

Аллаһ бизим гајғымыза галырмы?

БУ ҜҮН дүнја проблемләр ичиндә боғулур. Мүһарибәләр, тәбии фәлакәтләр, хәстәликләр, јохсуллуг, рүшвәтхорлуг вә бир чох диҝәр бәдбәхтликләр милјонларла инсанын һәјатыны алт-үст едир. Ола билсин, сизә дә бәзи проблемләр раһатлыг вермир. Бәс бизә ким көмәк едә биләр? Бизим гајғымыза галан вармы?

Аллаһын бизә олан мәһәббәти ананын көрпәсинә олан мәһәббәтиндән гат-гат үстүндүр

Әмин ола биләрик ки, Аллаһ, һәгигәтән дә, бизим гајғымыза галыр. Чүнки О, Өз Кәламында дејир: «Ана сүдәмәр көрпәсини һеч унудармы? Бәтниндән чыхан оғлуна рәһм етмәзми? Ана өз көрпәсини унутса белә, Мән сәни әсла унутмарам» *.

Буну билмәк инсана гәлб раһатлығы ҝәтир, елә дејилми? Аллаһын мәһәббәти инсана хас олан ән ҝүҹлү һиссдән — ананын өвладына олан мәһәббәтиндән гат-гат ҝүҹлүдүр. Аллаһ бизи һеч вахт атмајаҹаг! Әслиндә О, бизә артыг көмәк әлини узадыб. Неҹә? Һәјатда хошбәхтлијә наил олмаг јолунун һәгиги иман олдуғуну ҝөстәрмәклә.

Әсил иман сизә хошбәхтлик бәхш едәҹәк. Белә иман гаршылашдығыныз бир чох проблемләрдән гачынмаға вә онларын өһдәсиндән мүвәффәгијјәтлә ҝәлмәјә көмәк едәҹәк. Һәмчинин бу, сизи Аллаһа јахынлашдыраҹаг, үрәк вә гәлб раһатлығы верәҹәк. Ејни заманда, һәгиги иман ҝөзәл ҝәләҹәјә — Ҹәннәтдә әбәди һәјата јол ачыр!

Бәс һәгиги иман нәдир? Она неҹә саһиб олмаг олар?

^ абз. 4 Мүгәддәс Китабын Јешаја 49:15 ајәсинә бахын.