Контентә кеч

Мүндәриҹаты ҝөстәр

 БӨЛМӘ 11

Аллаһдан илһам алмыш, тәсәлли вә тәлим верән руһани нәғмәләр

Аллаһдан илһам алмыш, тәсәлли вә тәлим верән руһани нәғмәләр

Давуд вә башгалары ибадәтдә истифадә етмәк үчүн руһани нәғмәләр гошмушлар. Бунлардан 150-синин сөзләри «Зәбур» китабында јазылыб

МҮГӘДДӘС ЈАЗЫЛАРЫН ән бөјүк китабы мүгәддәс нәғмәләрдән ибарәт топлудур. Китаб бүтүнлүклә тәхминән 1000 ил әрзиндә јазылмышдыр. «Зәбур» китабында имандан ирәли ҝәләрәк сөјләнилән ән дәрин вә тәсирли сөзләр өз әксини тапмышдыр. Бурада севинҹ, фәхр вә миннәтдарлыгдан тутмуш кәдәр, гүссә вә пешманчылыға кими инсанларын мүхтәлиф һиссләри ифадә олунур. Нәғмәләрдә мәзмурчуларын Јеһоваја етибар етдикләри, Онунла сых мүнасибәтләринин олмасы ајдын ҝөрүнүр. Ҝәлин бу руһани нәғмәләрдә өз әксини тапан мөвзулардан бәзиләрини нәзәрдән кечирәк.

Јеһова ибадәтә вә һәмдә лајиг гануни Һөкмдардыр. Зәбур 83:18 ајәсиндә охујуруг: «Гој инсанлар билсин ки, ады Јеһова олан Сән, дүнјада тәк Сән Уҹасан». Мәзмурларын бир чохунда Јеһоваја улдузлу сәма јердәки еҹазкар ҹанлы вә ҹансыз аләм, мөҹүзәли инсан бәдәни кими јарадыҹы ишләринә ҝөрә һәмд сөјләнилир (Зәбур 8, 19, 139, 148). Диҝәрләриндә исә Јеһова Она садиг галанлары горумаг вә мүдафиә етмәк үчүн һәрәкәтә кечән Аллаһ кими уҹалдылыр (Зәбур 18, 97, 138). Бир башгаларында исә О, мәзлумлара тәсәлли верән, залымлары исә ҹәзаландыран әдаләтли Аллаһ кими мәдһ едилир (Зәбур 11, 68, 146).

Јеһова Ону севәнләрә көмәк едир вә тәсәлли верир. Јәгин Давудун Јеһованы Өз хидмәтчиләринә јол ҝөстәрән, онлары горујан вә бәсләјән гајғыкеш Чобан кими тәсвир етдији 23-ҹү мәзмур руһани нәғмәләр ичиндә ән мәшһурудур. Зәбур 65:2 ајәси Аллаһын хидмәтчиләринә хатырладыр ки, Јеһова «дуалары ешидән»дир. Ҹидди ҝүнаһа јол верән бир чох инсанлар 39 вә 51-ҹи мәзмурлардан бөјүк тәсәлли тапмышлар. Бурада Давуд ҹидди ҝүнаһлара ҝөрә төвбәсини сәмими сөзләрлә сөјләјир вә Јеһованын әфв едәҹәјинә иманыны ифадә едир. Зәбур 55:22 ајәсиндә Јеһоваја етибар етмәк вә бүтүн гајғы јүкүмүзү Она вермәк нәсиһәт едилир.

Јеһова Мәсиһин Падшаһлығы васитәсилә дүнјаны дәјишдирәҹәк. Мәзмурларда бир чох парчалар шәксиз-шүбһәсиз Мәсиһә, вәд едилмиш Падшаһа аиддир. 2-ҹи мәзмурда бу Рәһбәрин она мүгавимәт ҝөстәрән пис халглары мәһв едәҹәји пејғәмбәрлик едилир. 72-ҹи мәзмур ачыглајыр ки, бу Падшаһ аҹлыға, әдаләтсизлијә вә зүлмә сон гојаҹаг. Зәбур 46:9 ајәсинә әсасән, Мәсиһин Падшаһлығы васитәсилә Аллаһ мүһарибәләри дајандыраҹаг вә бүтүн дөјүш силаһларыны мәһв едәҹәк. 37-ҹи мәзмурда писләрин јох олаҹағыны, әвәзиндә исә салеһ инсанларын бүтүн јер үзүндә сүлһ вә бирликдән әбәдијјән зөвг алаҹағыны охујуруг.

«Зәбур» китабына әсасланыб.