Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб дүнјасына сәјаһәт

 ДӘРС 74

Иса Мәсиһ тәјин олунур

Иса Мәсиһ тәјин олунур

Јәһја пејғәмбәр тәблиғ едир: «Мәндән даһа ҝүҹлүсү ҝәлир». Иса 30 јашы оланда Ҹәлиләдән Иордан чајына ҝәлир. Јәһја пејғәмбәр һәмин чајда инсанлары вәфтиз едир. Иса Јәһја пејғәмбәрә дејир ки, ону вәфтиз етсин. Анҹаг Јәһја пејғәмбәр она ҹаваб верир: «Мән сәни вәфтиз етмәмәлијәм, сән мәни вәфтиз етмәлисән». Иса Јәһја пејғәмбәрә ҹаваб верир: «Јеһова истәјир ки, сән мәни вәфтиз едәсән». Бундан сонра онлар Иордан чајына ҝирирләр. Јәһја пејғәмбәр Исаны тамамилә суја батырыр.

Иса судан чыханда Јеһоваја дуа едир. Һәмин ан ҝөјләр ачылыр вә Аллаһын руһу ҝөјәрчин шәклиндә ашағы енир. Сонра Јеһова ҝөјдән дејир: «Сән мәним севимли Оғлумсан; сәндән чох разыјам».

Јеһованын руһунун Исанын үзәринә енмәси илә о, Мәсиһ олур. Артыг о, Јеһованын онунла бағлы нијјәтини јеринә јетирмәјә башлаја биләр.

Вәфтиз олундугдан дәрһал сонра Иса Мәсиһ сәһраја ҝедиб, 40 ҝүн орада галыр. О, ҝери гајыданда Јәһјанын јанына ҝедир. Иса онун јанына чатанда Јәһја дејир: «Будур инсанларын ҝүнаһыны јујан Аллаһын Гузусу». Јәһја бу сөзү дејәрәк ҹамаата Исанын Мәсиһ олдуғуну билдирир. Билирсән Иса Мәсиһ сәһрада оланда нә баш верир? Ҝәл өјрәнәк.

«Ҝөјдән бир сәс ҝәлди: “Сән Мәним севимли Оғлумсан. Сәндән чох разыјам”» (Марк 1:11)