Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб дүнјасына сәјаһәт

 ДӘРС 59

Јеһоваја итаәт едән дөрд оғлан

Јеһоваја итаәт едән дөрд оғлан

Навуходоносор Јәһуда шаһзадәләрини Бабилә ҝәтирир вә онлары сарај мәмуру Ашпәназа тапшырыр. Навуходоносор Ашпәназа дејир ки, онларын арасындан сағлам, ағыллы-камаллы ҝәнҹләри сечиб, онун һүзуруна ҝәтирсин. Бу ҝәнҹ оғланлар үч ил тәлим кечмәли идиләр. Бу тәлимләр онлары падшаһ сарајында јүксәк вәзифәләр тутмаға һазырлајаҹагды. Оғланлар бабиллиләрин данышдығы Аккад дилиндә јазмағы, охумағы вә данышмағы өјрәнмәлидирләр. Онлар һәмчинин падшаһын једији јемәкләрдән јемәлидирләр. Бу оғланлардан дөрдү Дәнјал, Һәнанијјә, Мүсаил вә Әзријадыр. Ашпәназ онлара јени Бабил адлары гојур. Онларын јени адлары Бәлтишәззар, Сәдраһ, Мисаһ вә Абиднағу олур. Бу оғланларын алдыглары тәлим Јеһоваја ибадәт етмәләринә мане олур?

 Бу дөрд ҝәнҹ Јеһоваја ибадәт етмәкдә гәти гәрарлыдырлар. Онлар баша дүшүрләр ки, падшаһын јемәкләриндән јемәмәлидирләр, чүнки Јеһованын ганунуна ҝөрә бу јемәкләрдән бәзиләри натәмиздир. Буна ҝөрә дә онлар Ашпәназа дејирләр: «Хаһиш едирик, бизә падшаһын јемәкләриндән вермә». Ашпәназ онлара дејир: «Әҝәр бу јемәкләри јемәсәниз, падшаһ сизин хәстә олдуғунузу ҝөрүб мәни өлдүртдүрәҹәк».

Дәнјалын ағлына бир фикир ҝәлир. О Ашпәназа дејир: «Хаһиш едирәм, бизә он ҝүн әрзиндә јалныз тәрәвәз вә су вер. Он ҝүндән сонра һәм бизә, һәм дә падшаһ јемәкләриндән јејән ҝәнҹләрлә бах». Ашпәназ разылашыр.

Он ҝүндән сонра Дәнјал вә үч досту диҝәр оғланлардан даһа сағлам ҝөрүнүр. Онлар итаәткарлыг ҝөстәрдикләри үчүн Јеһова онлардан разы галыр. О, һәтта Дәнјала ҝөрүнтүләри вә јухулары јозмаг үчүн мүдриклик верир.

Тәлимләр битәндән сонра Ашпәназ оғланлары Навуходоносорун һүзуруна ҝәтирир. Падшаһ онларла данышыр вә ҝөрүр ки, Дәнјал, Һәнанијјә, Мүсаил вә Әзрија диҝәр оғланлардан даһа ағыллы вә зирәкдирләр. О, бу оғланларын дөрдүнү дә сарај мәмуру тәјин едир. Падшаһ ваҹиб мәсәләләрлә бағлы тез-тез онлардан мәсләһәт алыр. Јеһова онлары падшаһын бүтүн мүдрикләриндән вә сеһрбазларындан даһа ағыллы едир.

Јад өлкәдә олмаларына бахмајараг, Дәнјал, Һәнанијјә, Мүсаил вә Әзрија Јеһованын халгындан олдугларыны унутмурлар. Бәс валидејнләрин јанында олмаса, сән дә Јеһоваја итаәт едәҹәксән?

«Гој ҝәнҹ олдуғуна ҝөрә һеч кәс сәнә сајмазјана јанашмасын. Данышыгда, рәфтарда, мәһәббәтдә, иманда вә паклыгда садигләрә нүмунә ол» (1 Тимутијә 4:12)