Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Бөјүк Мүәллимдән өјрән

 Фәсил 23

Инсанлар нәјә ҝөрә хәстәләнир?

Инсанлар нәјә ҝөрә хәстәләнир?

ҺЕЧ хәстә адам таныјырсан? ~ Јәгин һәрдән өзүн дә хәстәләнирсән, сәнә сојуг дәјир, јахуд гарнын ағрыјыр. Бәзи инсанлар чох хәстәдирләр. Киминсә көмәји олмадан онлар һәтта ајаға да дура билмирләр. Адәтән инсанлар гоҹаланда белә олурлар.

Һамымыз һәрдәнбир хәстәләнирик. Сән билирсән, нәјә ҝөрә инсанлар хәстәләнир, гоҹалыр вә өлүр? ~ Бир дәфә ҝәзә билмәјән адамы Исанын јанына ҝәтирдиләр. Һәмин вахт Иса инсанларын нәјә ҝөрә хәстәләниб өлдүкләрини ҝөстәрди. Ҝәл сәнә бу һагда данышым.

Иса Галилеја дәнизи јахынлығында јерләшән бир шәһәрдә галырды. Онун галдығы евә чохлу адам ҝәлмишди. Адам о гәдәр иди ки, отагда ајаг басмаға јер јох иди. Һеч гапыја да јахынлашмаг олмурду. Бунунла белә, ҝәләнләрин арды-арасы кәсилмирди. Бир нечә адам һәтта јеримәји белә баҹармајан ифлиҹи ора ҝәтирмишди. Ону балаҹа чарпајыда вә ја хәрәкдә дөрд нәфәр ҝәтирмишди.

Билирсән, нәјә ҝөрә онлар бу хәстәни Исанын јанына ҝәтирмишдиләр? ~ Онлар инанырдылар ки, Иса ифлиҹи сағалдыб ајаға галдыра биләр. Һеч билирсән, онлар бу бојда издиһамы јарыб кечәрәк хәстәни Исанын јанына неҹә ҝәтирдиләр? ~

Шәкилә бахсан, онларын буну неҹә етдикләрини ҝөрә биләрсән. Әввәлҹә онлар ифлиҹи евин дамына галдырдылар. Һәмин евин дамы јасты иди. Сонра орада бөјүк бир дешик ачдылар, чарпајыда олан ифлиҹи  ашағы — отағын ичинә ендирдиләр. Ҝөр онларын иманы неҹә дә мөһкәм иди!

Баш верәнләри ҝөрән һәр кәс чох тәәҹҹүбләнди. Ифлиҹи кәндирлә дүз онларын арасына салладылар. Онларын бу һәрәкәти Исаны гәзәбләндирди? ~ Әсла! Әксинә, онларын бу иманыны ҝөрмәк ону севиндирди. Иса ифлиҹә деди: «Ҝүнаһларын бағышланды».

Иса ифлиҹ олан адама нә деди?

Бәзи инсанлар фикирләширдиләр ки, Исанын бу сөзләри демәси дүзҝүн дејил вә о, ҝүнаһлары бағышлаја билмәз. Буну баҹардығыны ҝөстәрмәк үчүн Иса ифлиҹә деди: ‘Дур, јатағыны ҝөтүр вә евинә ҝет’.

Иса буну дејән кими ифлиҹ сағалды! Онун хәстәлијиндән әсәр-әламәт галмамышды.  Артыг о, һеч кимин көмәји олмадан ајаға дуруб ҝәзә билирди. Бу мөҹүзәни ҝөрән инсанлар һејрәтдән донуб галдылар. Онлар һәлә белә шеј ҝөрмәмишдиләр! Онлар һәтта хәстәләри белә сағалтмағы баҹаран Бөјүк Мүәллими ҝөндәрдији үчүн Јеһоваја иззәт вердиләр (Марк 2:1—12).

Биз бу мөҹүзәдән нә өјрәнирик?

Биз бу мөҹүзәдән нә өјрәнирик? ~ Өјрәнирик ки, Исанын ҝүнаһлары бағышламаға вә хәстәләри сағалтмаға сәлаһијјәти вар. Амма бурадан даһа бир ваҹиб шеји дә өјрәнирик. Инсанлар ҝүнаһлы олдуглары үчүн өлүрләр.

Биз һамымыз хәстәләнирик. Бу о демәкдир ки, һәр биримиз ҝүнаһлыјыг? ~ Бәли, Мүгәддәс Китабда дејилир ки, һәр биримиз ҝүнаһлы доғулуруг. Сән билирсән, ҝүнаһлы доғулмаг нә демәкдир? ~ Бу о демәкдир ки, һәр биримиз һәјата гејри-камил инсан кими ҝәлирик. Һәрдән өзүмүз дә истәмәдән сәһв едирик. Билирсән, ҝүнаһлы олмағымыза нә сәбәб олду? ~

Илк инсан олан Адәм Аллаһын сөзүндән чыхдығы үчүн биз ҝүнаһлы доғулуруг. О, Аллаһын әмрини позмагла ҝүнаһлы олду. Биз дә ҝүнаһы ондан мирас алдыг. Билирсән, бу, неҹә олду? Ҝәл сәнә буну нүмунә илә баша салым.

Неҹә олду ки, һамымыз ҝүнаһлы олдуг?

Ола билсин, сән киминсә чөрәк биширдијини ҝөрмүсән. Әҝәр чөрәк биширилән габ әзикдирсә, чөрәјин формасы неҹә олаҹаг? Дејә биләрсән? ~ Һәмин габда биширилән бүтүн чөрәкләр әзик алынаҹаг, разысан? ~

 Адәми һәмин габла, бизи исә о габда бишән чөрәклә мүгајисә етмәк олар. Аллаһын әмрини позанда о, гејри-камил олду. Онда санки әзик јаранды, башга сөзлә, она гејри-камиллик дамғасы вурулду. Демәли, онларын неҹә ушаглары олаҹагды? ~ Бу гејри-камиллик дамғасы онларын бүтүн ушагларына кечәҹәкди.

Ушагларын чоху ҝөрә биләҹәјин ҹидди гүсурларла дүнјаја ҝәлмирләр. Онларын әли дә олур, ајағы да. Амма мирас алдыглары гејри-камиллик уҹбатындан онлар хәстәләнир, ахырда да өлүрләр.

Дүздүр, бәзи инсанлар башгаларына нисбәтән тез-тез хәстәләнирләр. Нәјә ҝөрә белә олур? Бу о демәкдир ки, онлар башгаларындан чох ҝүнаһ мирас алыблар? ~ Јох, доғуланда һамынын ҝүнаһы бәрабәр олур. Биз һамымыз гејри-камил доғулуруг. Буна ҝөрә дә ҝеҹ-тез һәр биримиз неҹәсә хәстәләнирик. Һәтта Аллаһын бүтүн әмрләринә әмәл етмәјә чалышан вә һеч бир пис иш ҝөрмәјән инсан да хәстәләнә биләр.

Ҝүнаһдан азад оланда сағламлығымыз неҹә олаҹаг?

Бәс онда нәјә ҝөрә бәзи инсанлар башгаларындан чох хәстәләнир? ~ Бунун бир чох сәбәби вар. Мәсәлән, ола биләр ки, онларын јемәји аздыр. Јахуд дүзҝүн гидаланмырлар. Бәлкә дә зәрәрли шејләри һәддиндән артыг чох јејирләр. Башга сәбәб о ола биләр ки, онлар ҝеҹәнин јарысына кими ојаг галдыглары үчүн кифајәт гәдәр јатмырлар. Јахуд сојуг һавада бајыра чыханда галын ҝејинмирләр. Бәзи адамлар өзләринә јахшы бахсалар да, онларын организми зәифдир вә хәстәлијә мүгавимәт ҝөстәрә билмир.

 Бәс елә бир вахт ҝәләҹәк ки, һеч ким хәстәләнмәсин? Нә вахтса бизим ҹанымыз ҝүнаһдан гуртараҹаг? ~ Иса ифлиҹ киши үчүн нә етмишди? ~ Иса онун ҝүнаһларыны бағышлајыб, өзүнү дә сағалтмышды. Бунунла ҝөстәрмишди ки, вахт ҝәләҹәк, о, јахшы иш ҝөрмәјә чалышан адамларын һамысы үчүн буну едәҹәк.

Биз ҝүнаһ ишләтмәк истәмәдијимизи вә пис ишләрә нифрәт етдијимизи ҝөстәрсәк, Иса бизи дә сағалдаҹаг. Аллаһын Падшаһлығынын Падшаһы кими, о, ҝәләҹәкдә бизи индики гејри-камиллијимиздән азад едәҹәк. Ҝүнаһ биздән бирдән-бирә тәмизләнмәјәҹәк. Бу, мүәјјән мүддәт әрзиндә олаҹаг. Сонра, нәһајәт ки, ҝүнаһдан азад оланда биз даһа һеч вахт хәстәләнмәјәҹәјик. Һамымызын мүкәммәл сағламлығы олаҹаг. Бу, әсил хејир-дуадыр!

Ҝүнаһын инсанлара неҹә тәсир етмәси һагда Әјјуб 14:4; Мәзмур 51:5; Ромалылара 3:23; 5:12 вә 6:23 ајәләриндән оху.