Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝөзәтчи гүлләси  |  јанвар 2015

Мүгәддәс Јазылара аид суаллара ҹаваб

Мүгәддәс Јазылара аид суаллара ҹаваб

Чохларыны Аллаһын варлығына нә әмин едир?

Мәҝәр һәјат мөҹүзә дејил?

3000 ил бундан әввәл бир мәзмурчу белә сөзләр јазмышды: «Сән мәни еҹазкар, әсрарәнҝиз јолла јаратмысан» (Мәзмур 139:14). Мәҝәр ушағын бирҹә һүҹејрәдән јаранмасы сизи валеһ етмир? Чохлары инаныр ки, хилгәтә ҹан верән Аллаһдыр. (Мәзмур 139:13—17; Ибраниләрә 3:4 ајәләрини охујун.)

Бүтүн каинаты јарадан вә јер үзүнү јашамаға јарарлы едән Аллаһ һәјаты да јарадыб (Мәзмур 36:9). О, инсанларла мүнасибәт гуруб онлары Өзү һагда һали едирди. (Јешаја 45:18 ајәсини охујун.)

Биз һејванлардан әмәлә ҝәлмишик?

Бәдәнимизин һејванларын бәдәни илә бир чох охшар ҹәһәтләри вар. Бунун сәбәби исә одур ки, Јарадан һәм инсанлары, һәм дә һејванлары јер үзүндә јашамалары үчүн јарадыб. О, илк инсаны һејвандан јох, торпагдан хәлг едиб. (Јарадылыш 1:24; 2:7 ајәләрини охујун.)

Инсанлары һејванлардан фәргләндирән ики ваҹиб амил вар. Биринҹиси, инсанлар Јарадан һагда өјрәнмәји, Ону севиб һөрмәт етмәји баҹарырлар. Икинҹиси, инсанлар әбәди јашамаг үчүн јарадылыблар, һејванлар исә јох. Амма һал-һазырда инсанларын әбәди јашамамаларынын сәбәби илк инсанларын Јараданын әмрини позмаларыдыр. (Јарадылыш 1:27; 2:15—17 ајәләрини охујун.)