Контентә кеч

Мүндәриҹаты ҝөстәр

 ХОШБӘХТЛИК ЈОЛУ

Хошбәхтлик нәдир?

Хошбәхтлик нәдир?

ХОШБӘХТСИНИЗ? Әҝәр еләдирсә, сизи хошбәхт едән нәдир? Ола билсин, аиләниз, ишиниз вә ја дини етигадыныз. Бәлкә, тезликлә тәһсилинизи битирәҹәк, јахшы ишә дүзәләҹәк вә ја јени автомобил алаҹағыныза ҝөрә хошбәхтсиниз?

Чохлары һәдәфләринә чатанда, јахуд да истәдикләри шеји әлдә едәндә хошбәхтлик дујурлар. Әфсус ки, бу ҹүр хошбәхтлик чох вахт узун чәкмәјән өтәри бир һисс олур.

Бир изаһата әсасән, хошбәхтлик ади мәмнунлуг һиссиндән тутмуш ҝүҹлү севинҹ һиссинә кими мүхтәлиф дујғуларла сәҹијјәләнән хүсусијјәтдир вә тәбии олараг, инсан онун битмәсини истәмир.

Диҝәр бир изаһатда дејилир ки, давамлы һисс олан хошбәхтлик сәјаһәтин сон нөгтәси јох, өзүдүр. «О вахт хошбәхт олаҹағам ки...» дејәндә хошбәхтлијимизи сәјаһәт боју дадмаг әвәзинә, санки сона сахлајырыг.

Хошбәхтлији јахшы сағламлыгла мүгајисә етмәк олар. Сәһһәтимизин јахшы олмасы үчүн дүзҝүн гидаланмаг, идманла мәшғул олмаг вә үмумијјәтлә, һәјат тәрзимизә фикир вермәк лазымдыр. Ејнилә, хошбәхт олмаг үчүн дә мүәјјән аддымлар атмаг — сағлам принсипләр әсасында јашајараг дүзҝүн һәјат јолунда јеримәк ҝәрәкдир.

Бәс һансы принсипләр вә ја хүсусијјәтләр хошбәхтлијә апаран јолу сәҹијјәләндирир? Ән мүһүм амилләри арашдыраг:

  • ГАНЕ ОЛМАГ ВӘ СӘХАВӘТ

  • САҒЛАМЛЫГ ВӘ ДӨЗҮМ

  • МӘҺӘББӘТ

  • БАҒЫШЛАМАГ

  • ҺӘЈАТЫН МӘНАСЫ

  • ҮМИД

Һикмәтли кәлмәләрлә зәнҝин олан бир китабда дејилир: «Нә хошбәхтдир јолунда камил олан» (Зәбур 119:1). Ҝәлин хошбәхтлик јолу барәдә данышаг.