Аиләләр чохлу чәтинликләрлә гаршылашырлар. Анҹаг Аллаһын Кәламындакы заман танымајан һикмәт бу проблемләрин өһдәсиндән мүвәффәгијјәтлә ҝәлмәјә көмәк едәҹәк.

Африка

Үмумдүнја Сәһијјә Тәшкилатынын һесабатына әсасән, аналар тәзәҹә доғулмуш көрпәләрини алты ајына кими ана сүдү илә гидаландырмалыдырлар. ЈУНИСЕФ-ин Шәрги вә Ҹәнуби Африка үчүн Реҝионал Гидаланма Мәсләһәтчисинин дедијинә ҝөрә, бу мәсләһәтә мәһәл гојмајан рекламчылар «һазыр ушаг јемәкләринин ана сүдү гәдәр фајдалы олдуғуну» иддиа едирләр.

МҮГӘДДӘС КИТАБДА ДЕЈИЛИР: «Садәлөвһ һәр сөзә инанар, узагҝөрән һәр аддымыны өлчүб-бичәр» (Мәсәлләр 14:15).

Канада

Монреал шәһәриндәки тәдгигатчылар мүшаһидә етмишләр ки, тәрбијәјә вә мәһәббәтә таразлы јанашан валидејнләрин өвладлары илә мүгајисәдә тәләбкар валидејнләрин, јәни сәрт гајдалар гојан вә демәк олар ки, мәһәббәт ҝөстәрмәјән валидејнләрин өвладлары көкәлмәјә 30 фаиз даһа чох мејиллидирләр.

БИЛИРСИНИЗ? Ән јахшы валидејн олмағын үсулу Мүгәддәс Китабда әсрләр өнҹә јазылмышды (Колослулара 3:21).

Нидерланд

Тәдгигатчылар мүшаһидә етмишләр ки, һәр ики валидејнин ишләдији Нидерланд аиләләриндә ишлә аилә мәсулијјәтинә таразлы јанашан валидејнләр ушаглары илә даһа јахшы үнсијјәт гурурлар, нәинки бу мәсулијјәтләри бир-биринә гарышдыран валидејнләр. Мисал үчүн, әҝәр валидејнләр иш вахты битдикдән сонра јенә дә евдә ишлә бағлы зәнҝләрә ҹаваб верирләрсә, өвладларыны еһтијаҹ дујдуглары гајғыдан мәһрум етмиш олурлар.

ДҮШҮНҮН: «Һәр шејин өз вахты вар» (Ваиз 3:1).